ପଡୋଶୀଙ୍କୁ ୫.୫ ମିଲିୟନ ଡୋଜ ଦେଇଛି ଭାରତ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭାରତରେ ପ୍ରଥମ ପର୍ଯ୍ୟାୟ ଟିକାକରଣ ଫଳପ୍ରଦ ହୋଇଛି । ଏଥିପାଇଁ ପଡୋଶୀ ରାଷ୍ଟ୍ର ଗୁଡିକ ମଧ୍ୟ ଟିକା ପାଇଁ ଭାରତ ଉପରେ ନିର୍ଭରଶୀଳ ଅଛନ୍ତି ।  ବୈଦେଶିକ ବ୍ୟାପାର ମନ୍ତ୍ରଣାଳୟ ଗୁରୁବାର ଏକ ସାମ୍ବାଦିକ ସମ୍ମିଳନୀରେ କହିଛି ଯେ ଜାନୁୟାରୀ ୨୦ ଠାରୁ ଭାରତ ୫.୫ ମିଲିୟନରୁ ଅଧିକ ଡୋଜ ପଡୋଶୀ ଦେଶଙ୍କୁ ଦେଇଛି। ମନ୍ତ୍ରଣାଳୟ କହିଛି ଯେ ଏଥିମଧ୍ୟରୁ ଭୁଟାନକୁ ୧.୫ ଲକ୍ଷ, ମାଲଦ୍ୱୀପ, ମରିସସ୍ ଏବଂ ବହାରିନକୁ ଏକ ଲକ୍ଷ, ନେପାଳକୁ ୧୦ ଲକ୍ଷ, ବାଂଲାଦେଶକୁ ୨୦ ଲକ୍ଷ, ମିଆଁମାରକୁ ୧୫ ଲକ୍ଷ, ସେଚେଲ୍ସକୁ ୫୦ ଲକ୍ଷ ଏବଂ ଶ୍ରୀଲଙ୍କାଙ୍କୁ ୫ ଲକ୍ଷ ଡୋଜ ଟିକା ଦିଆଯାଇଛି ।

ମନ୍ତ୍ରଣାଳୟର ମୁଖପାତ୍ର ଅନୁରାଗ ଶ୍ରୀବାସ୍ତବ କହିଛନ୍ତି ଯେ ଆସନ୍ତା କିଛିଦିନ ମଧ୍ୟରେ ଆମେ ଓମାନକୁ ଏକ ଲକ୍ଷ ଡୋଜ ଟିକା, କାରିକୋମ ଦେଶ (କାରିବିଆନ ସମ୍ପ୍ରଦାୟ)କୁ ପାଞ୍ଚ ଲକ୍ଷ ଏବଂ ନିକାରାଗୁଆ ଏବଂ ପ୍ରଶାନ୍ତ ମହାସାଗର ପାଇଁ ଦୁଇ ଲକ୍ଷ ଟିକା ପ୍ରଦାନ କରିବାକୁ ଯୋଜନା କରୁଛୁ। ଏଥିସହ ବ୍ରାଜିଲ, ମୋରୋକୋ ଏବଂ ବାଂଲାଦେଶକୁ ବ୍ୟବସାୟିକ ରପ୍ତାନି କରାଯାଇଛି। ଆଗାମୀ ଦିନରେ ସାଉଦି ଆରବ, ଦକ୍ଷିଣ ଆଫ୍ରିକା, କାନାଡା, ମୋଙ୍ଗୋଲିଆ ଏବଂ ଅନ୍ୟାନ୍ୟ ଦେଶକୁ ଯୋଗାଇ ଦିଆଯିବ । ଶ୍ରୀବାସ୍ତବ ଆହୁରି ମଧ୍ୟ କହିଛନ୍ତି ଯେ ଆଫ୍ରିକା ପାଇଁ ଏକ କୋଟି ଡୋଜ୍ ଟିକା ଏବଂ ଜାତିସଂଘର ସ୍ୱାସ୍ଥ୍ୟ କର୍ମଚାରୀଙ୍କ ପାଇଁ ୧୦ ଲକ୍ଷ ଡୋଜ ଉପଲବ୍ଧ ହେବ।