ମୃତ ବ୍ୟକ୍ତିଙ୍କ ନାଁରେ ଘର ଦେଇ ଟଙ୍କା ହଡ଼ପ

ବାଲେଶ୍ୱର (ବଡ଼ ଖବର ବ୍ୟୁରୋ): ମୃତବ୍ୟକ୍ତିଙ୍କ ନାଁରେ ଆସିଥିବା ଇନ୍ଦିରା ଆବାସକୁ ବ୍ଲକ କର୍ମଚାରୀ ଚଞ୍ଚକତା କରି ହଡପ କରିଥିବା ଅଭିଯୋଗ ହୋଇଛି । ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ଜଳେଶ୍ୱର ବ୍ଲକରେ । ଜଣେ ମୃତ ବ୍ୟକ୍ତିଙ୍କ ନାମରେ ଆସିଥିଲା ଇନ୍ଦିରା ଆବାସ । କାଳେ ସେ ଟଙ୍କା ଫେରିଯିବ ସେଥିପାଇଁ ଜୀବିତ ଥିବା ଜଣେ ମହିଳାଙ୍କୁ ଉକ୍ତ ମୃତ ବ୍ୟକ୍ତିଙ୍କ ନାମରେ ପରିଚୟ ଦିଆ କରାଇ ବ୍ଲକ ପ୍ରଶାସନ ଇନ୍ଦିରା ଆବାସ ଟଙ୍କାକୁ ହଡପ କରିଥିବା ଆରଟିଆଇ ରିପୋର୍ଟରୁ ଜଣାପଡିଛି ।