ସମାଧାନ ପାଇଁ ପୁନର୍ବାର କୁସ୍ତିଯୋଦ୍ଧାଙ୍କୁ ଆମନ୍ତ୍ରଣ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଏବେ ବି ଧାରଣାରେ କୁସ୍ତିଯୋଦ୍ଧା । ହେଉନାହିଁ ସମସ୍ୟାର ସମାଧାନ । ସମାଧାନ ପାଇଁ ସରକାର ପୁନର୍ବାର କୁସ୍ତିଯୋଦ୍ଧାମାନଙ୍କୁ ଆଲୋଚନା ପାଇଁ ଆମନ୍ତ୍ରଣ କରିଛନ୍ତି। କେନ୍ଦ୍ର କ୍ରୀଡ଼ା ମନ୍ତ୍ରୀ ଅନୁରାଗ ଠାକୁର ଏହି ସୂଚନା ଦେଇଛନ୍ତି। ଅନୁରାଗ ଟ୍ୱିଟ କରି କହିଛନ୍ତି, କୁସ୍ତିଯୋଦ୍ଧାମାନଙ୍କ ସହିତ ସେମାନଙ୍କ ସମସ୍ୟା ଉପରେ ଆଲୋଚନା କରିବାକୁ ସରକାର ପ୍ରସ୍ତୁତ ଅଛନ୍ତି। ମୁଁ ଏଥିପାଇଁ ପୁଣି ଥରେ କୁସ୍ତିମାନଙ୍କୁ ନିମନ୍ତ୍ରଣ କରିଛି। ଏହାପୂର୍ବରୁ ଅଲିମ୍ପିକ ପଦକ ବିଜେତା ବଜରଙ୍ଗ ପୁନିଆ ଗଣମାଧ୍ୟମକୁ ସୂଚନା ଦେଇଛନ୍ତି ଯେ କୁସ୍ତିଯୋଦ୍ଧା ଏବଂ ସେମାନଙ୍କ କୋଚ ଶନିବାର ରାତିରେ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କ ସହ ଆଲୋଚନା କରିଛନ୍ତି।

ସେପଟେ ଜୀବନ ଆଗରେ ଚାକିରି କିଛି ନୁହେଁ । ଯଦି ଚାକିରି ନ୍ୟାୟର ରାସ୍ତାରେ ଆସିବ ତାହେଲେ ଚାକିରି ଛାଡିବାକୁ ୧୦ ସେକେଣ୍ଡ ଲାଗିବନି ବୋଲି ରେସଲର ସାକ୍ଷୀ ମଲିକ କହିଛନ୍ତି । ଜନ୍ତରମନ୍ତରରୁ ବହିଷ୍କୃତ ହେବା ପରେ କୁସ୍ତିଯୋଦ୍ଧାମାନେ ଆନେ୍ଦାଳନରୁ ଓହରି ଯାଇଥିବା ଏବଂ ନିଜ ନିଜ କାମକୁ ଫେରିଥିବା କୁହାଯାଉଛି । କିନ୍ତୁ ଏହାକୁ ପ୍ରତ୍ୟାଖାନ କରିଛନ୍ତି ରେସଲର ସାକ୍ଷୀ ମଲିକ ।