ଗିରଫ ହେଲେ ଅଭିନେତା ଏଜାଜ୍ ଖାନ
ମୁମ୍ବାଇ (ବଡ଼ ଖବର ବ୍ୟୁରୋ): ଗିରଫ ହେଲେ ବଲିଉଡ ଅଭିନେତା ଏଜାଜ୍ ଖାନ । ଦିନକୁ ଦିନ ବଲିଉଡରେ ଜୋର ଧରୁଛି ଡ୍ରଗ୍ସ ମାମଲା । ଏହିଭଳି ଅନେକ କଳାକାର ଡ୍ରଗ୍ସ ମାମଲାରେ ଛନ୍ଦି ହେବାରେ ଲାଗିଛନ୍ତି । ଏବେ ଏହି ମାମଲାରେ ଛନ୍ଦି ହୋଇଛନ୍ତି ଅଭିନେତା ଏଜାଜ୍ ଖାନ। ମଙ୍ଗଳବାର ବିଳମ୍ୱିତ ରାତିରେ ଏଜଜାଙ୍କୁ ଗିରଫ କରିଛି ଏନସିବି । ଏଜାଜ୍ ଖାନ ଡ୍ରଗ୍ସ କିଙ୍ଗ ଫାରୁଖ ବଟାଟା ଏବଂ ତାର ପୁଅ ଶାଦାବ ବଟାଟା ସହ କାମ କରୁଥିଲେ ।
ଏପରିକି ଦୀର୍ଘଦିନ ଧରି ଏମାନଙ୍କ ସହ ଡ୍ରଗ୍ସ ବ୍ୟବସାୟ ବି ଚଳାଉଥିଲେ । ବିଳମ୍ୱିତ ରାତିରେ ଏଜାଜକୁ ଏନ୍ସିବି ଦୀର୍ଘ ସମୟ ଧରି ପଚରାଉଚରା ପରେ ଗିରଫ କରିଛି । ଏହା ପୂର୍ବରୁ ଏନ୍ସିବି ଡ୍ରଗ ମାଫିଆ ଫାରୁଖ ବଟାଟାକୁ ପାଖାପାଖି ୮ ଘଣ୍ଟା ପର୍ଯ୍ୟନ୍ତ ପଚରାଉଚରା କରିଥିଲା । ଫାରୁଖଙ୍କ ପୁଅ ଶାଦାବକୁ ଗତ ସପ୍ତାହରେ ଏନସିବି ଚଢ଼ାଉ କରି ଗିରଫ କରିଥିଲା । ପାଖାପାଖି ୨ କୋଟି ମୂଲ୍ୟର ଡ୍ରଗ୍ସ ଜବତ କରିଥିଲା ଏନସିବି। ଶାଦାବକୁ ପଚରାଉଚରା ବେଳେ ସେ ବଲିଉଡ ଅଭିନେତାଙ୍କ ଏଜାଜଙ୍କ ସହ ଲିଙ୍କ ଥିବା ଜଣାଇଥିଲା । ଗତକାଲି ଏଜାଜ୍ ରାଜସ୍ଥାନରୁ ମୁମ୍ବାଇ ଫେରିବା ପରେ ଏନ୍ସିବି ନୋଟିସ ଦେଇ ନିଜ ହେପାଜତକୁ ନେଇଥିଲା ।