ଭୁବନେଶ୍ୱର(ବଡ଼ ଖବର ବ୍ୟୁରୋ): ନୀତି ଆୟୋଗ ବୈଠକରେ ପ୍ରସ୍ତୁତ ହୁଏ ଦେଶ ପ୍ରଗତିର ମାନଚିତ୍ର । ରାଜନୀତିର ଉଦ୍ଧ୍ୱର୍ରେ ରହି ଆୟୋଗର ସଦସ୍ୟମାନେ ବିଚାରବିମର୍ଷରେ ଭାଗ ନେବା ପରିବର୍ତ୍ତେ ଦଳୀୟ ସ୍ୱାର୍ଥକୁ ଦେଉଛନ୍ତି ଗୁରୁତ୍ୱ । ଦେଶର ସମସ୍ତ ରାଜ୍ୟର ମୁଖ୍ୟମନ୍ତ୍ରୀ, କେନ୍ଦ୍ର ଶାସିତ ଅଞ୍ଚଳର ଉପରାଜ୍ୟପାଳ ଓ କିଛି କେନ୍ଦ୍ରମନ୍ତ୍ରୀଙ୍କୁ ନେଇ ଗଠିତ ନୀତି ଆୟୋଗ । ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଯୋଗଦେଇ ନାହାନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୨୦୧୮ରେ ମଧ୍ୟ ସେ ନୀତି ଆୟୋଗ ବୈଠକ ବର୍ଜନ କରିଥିଲେ । ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଆୟୋଜିତ ଆୟୋଗର ଅଷ୍ଟମ ଅଧିବେଶନରେ ନବୀନ ଯୋଗ ନ ଦେଇ ଓଡିଶାବାସୀଙ୍କୁ କି ବାର୍ତ୍ତା ଦେଇଛନ୍ତି?
ନବୀନଙ୍କ ଅନୁପସ୍ଥିତିରେ ୨୦୪୭ ସୁଦ୍ଧା ବିକଶିତ ଭାରତ, ଏମ୍ଏସ୍ଏମଇରେ ବିଶ୍ୱାସ କରିବା,ଭିତ୍ତିଭୂମି ଓ ବିକାଶ, ମିନିମାଇଜିଂ କମ୍ପାଏନ୍ସ, ମହିଳା ସଶକ୍ତିକରଣ, ସ୍ୱାସ୍ଥ୍ୟ ଓ ପୋଷଣ, ଦକ୍ଷତା ବିକାଶ, ଅଞ୍ଚଳ ବିକାଶ ଏବଂ ସାମାଜିକ ଭିତ୍ତିଭୂମି ପାଇଁ ଗତିଶକ୍ତି ସମ୍ପକରେ ନୀତି ଆୟୋଗ ବୈଠକରେ ଆଲୋଚନା ହୋଇଛି । ଏସବୁ କାର୍ଯ୍ୟକ୍ରମରେ ଓଡ଼ିଶାର ଷ୍ଟାଣ୍ଟ କ’ଣ ରହିବ ରାଜ୍ୟବାସୀ ସଂନ୍ଦେହରେ । ରାଜ୍ୟର ବିଭିନ୍ନ ବିଭାଗର ରିପୋର୍ଟ କାର୍ଡ ସମୀକ୍ଷା କରୁଛନ୍ତି ମୁଖ୍ୟମନ୍ତ୍ରୀ । ହୁଏତ ସମୟ ପାଇନଥିବେ । ତେବେ ବୈଠକରେ ତାଙ୍କ ଅନୁପସ୍ଥିତି ଅନ୍ୟ ବିରୋଧୀଙ୍କ ସହ ନବୀନ ସାମିଲ ହେଲେ ବୋଲି ମେସେଜ ଗଲା । ନୀତି ଆୟୋଗ ବୈଠକରେ ଯୋଗ ନଦେଇ ନବୀନ ବିଜେପି ବିରୋଧୀଙ୍କ ମେଣ୍ଟରେ ସାମିଲ୍ ହେଲେ କି ବୋଲି ଏବେ ଚର୍ଚ୍ଚା ଜୋର ଧରିଛି ।
