ଜମ୍ମୁକାଶ୍ମୀର: ଆତଙ୍କବାଦୀ ଖାଲିଦ ଗିରଫ,କୁଲଗାମରେ ୩ ଜଣ ବିଜେପି କର୍ମୀଙ୍କୁ କରିଥିଲା ହତ୍ୟା

ଜମ୍ମୁକାଶ୍ମୀର (ବଡ଼ ଖବର ବ୍ୟୁରୋ): ଶୁକ୍ରବାର ରାତିରେ ସାମ୍ବା ଜିଲ୍ଲାରୁ ଜଣେ ଟିଆରଏଫ ଆତଙ୍କବାଦୀଙ୍କୁ ଗିରଫ କରିଛି କାଶ୍ମୀର ପୋଲିସ। ତାଙ୍କ ନାମ ଜହୁର ଅହମ୍ମଦ ଓରଫ ଖାଲିଦ ବୋଲି ଜଣାପଡିଛି। ଖାଲିଦ କୁଲଗାମରେ ତିନିଜଣ ବିଜେପି କର୍ମୀ ଏବଂ କୁଲଗାମର ଫୁରାରେ ଜଣେ ପୋଲିସ କର୍ମଚାରୀଙ୍କୁ ହତ୍ୟା କରିଥିଲେ । ସେ ୨୦୦୪ ରେ ପିଓକେରେ ଆତଙ୍କବାଦୀ ତାଲିମ ଗ୍ରହଣ କରିଥିଲେ । ତାଙ୍କ ସହିତ ପାଞ୍ଚ ଜଣ ବିଦେଶୀ ଆତଙ୍କବାଦୀଙ୍କୁ ଭାରତ ଆଣିଥିଲେ।

ଗତ ବର୍ଷ କାଶ୍ମୀର ଉପତ୍ୟକାରେ କୁଲଗାମରେ ତିନି ଜଣ ବିଜେପି କର୍ମୀଙ୍କ ହତ୍ୟାରେ ଏହି ଆତଙ୍କବାଦୀ ସମ୍ପୃକ୍ତ ଥିବା ପୋଲିସ ଦାବି କରିଛି। ଇନ୍ସପେକ୍ଟର ବିଜୟ କୁମାର କହିଛନ୍ତି ଯେ ଅନନ୍ତନାଗ ପୋଲିସର ଏକ ଟିମ୍ ଜାମ୍ମୁର ସାମ୍ବାରୁ ଆତଙ୍କବାଦୀ ସଂଗଠନ ଲଶ୍କର (ଟିଆରଏଫ୍) ଖାଲିଦ ଗିରଫ କରିଛି। ସେ ବରୀ ବ୍ରାହ୍ମଣରେ ଲୁଚି ରହିଥିଲେ।

ସେ ୨୦୦୬ ରେ ଆତ୍ମସମର୍ପଣ କରିଥିଲେ, କିନ୍ତୁ ଗତ ବର୍ଷ ପୁଣିଥରେ ରାଜନେତା ଏବଂ ପୋଲିସ କର୍ମଚାରୀଙ୍କୁ ହତ୍ୟା କରିବା ଆରମ୍ଭ କରିଥିଲେ। ପଚରାଉଚରା ପାଇଁ ତାଙ୍କୁ କାଶ୍ମୀରକୁ ଅଣାଯାଉଛି ବୋଲି ପୋଲିସ କହିଛି।