ବିବାଦୀୟ ବିଧାୟକ ସରୋଜ ମେହେରଙ୍କୁ ଅଡ଼ୁଆ ଦଳୀୟ କର୍ମୀ

ବଲାଙ୍ଗୀର (ବଡ଼ ଖବର ବ୍ୟୁରୋ) ବିବାଦୀୟ ବିଧାୟକ ସରୋଜ ମେହେରଙ୍କୁ ଅଡ଼ୁଆ ଦଳୀୟ କର୍ମୀ । କଳିକେଶ ସମର୍ଥକ ପରେ ସାଂସଦ ନିରଞ୍ଜନ ବିଶିଙ୍କ ସମର୍ଥକ ମଧ୍ୟ ବିଧାୟକଙ୍କ ଉପରେ ଅସନ୍ତୋଷ ଝାଡିଛନ୍ତି। ବିଧାୟକ ସରୋଜ ଆଦିବାସୀ ଜେଇଙ୍କୁ ଉଠବସ୍ କରାଇ ବିବାଦ ଘେରକୁ ଆସିଥିଲେ। ଏପରିକି ଆଦିବାସୀ ଜେଇଙ୍କୁ ହତ୍ୟା ଘଟଣାକୁ ଚପାଇବାକୁ ବିଧାୟକ ଚାପ ପକାଇଥିବା ଅଭିଯୋଗ ଆଣିଛି ଜିଲ୍ଲା ଆଦିବାସୀ କଲ୍ୟାଣ ସଂଘ ତଥା ନିରଞ୍ଜନଙ୍କ ସମର୍ଥକ ।

କେବଳ ଏତିକି ନୁହେଁ ଅନେକ ଅପରାଧୀ କାର୍ୟ୍ୟକଳାପରେ ବିଧାୟକ ପ୍ରତ୍ୟକ୍ଷ ନହେଲେ ବି ପରୋକ୍ଷ ଭାବେ ସଂପୃକ୍ତି ରହିଥିବା କହିଛି ଆଦିବାସୀ ସଂଘ । ତେଣୁ ଆସନ୍ତା ନିର୍ବାଚନରେ ପାଟଣାଗଡ଼ରେ ସରୋଜ ମେହେରଙ୍କୁ ଟିକେଟ ନଦେବାକୁ ସଂଘ ଦାବି କରିଛି। ଏତେ ଅପରାଧିକ କାର୍ୟ୍ୟକଳାପରେ ସଂପୃକ୍ତ ସତ୍ତ୍ୱେ ସରୋଜଙ୍କୁ ଟିକେଟ ଦେଲେ ଗାଁ ଗାଁରେ ତାଙ୍କ ବିରୋଧରେ ସଚେତନ କରାଯିବାକୁ ସଂଘ ଚେତାବନୀ ଦେଇଛି। ସେପଟେ ଆଦିବାସୀ ସଂଘର ଅଭିଯୋଗ ନେଇ ବିଧାୟକ ସରୋଜ ମେହେରଙ୍କ ପ୍ରତିକ୍ରିୟା ମିଳି ପାରିନାହିଁ।