ଭୁବନେଶ୍ୱର(ବଡ଼ ଖବର ବ୍ୟୁରୋ): ପ୍ରସିଦ୍ଧ ଗାୟକ ତଥା ଲେଖକ ଜାଭେଦ ଅଖତର ପୁଣିଥରେ ବିବାଦରେ ରହିଛନ୍ତି । ତେବେ ଜାଭେଦ ଆରଏସଏସ ଓ ବଜରଙ୍ଗ ଦଳକୁ ତାଲିବାନ ସହ ତୁଳନା କରିଛନ୍ତି । ଏ ଖବର ସାମ୍ନାକୁ ଆସିବା ପରେ ସାରା ଦେଶରେ ଏହା ଚର୍ଚ୍ଚାର ବିଷୟ ପାଲଟିଛି । ଏହା ସହ ଆରଏସଏସ କର୍ମୀମାନେ ମୁମ୍ବାଇସ୍ଥିତ ଜାଭେଦ ଅଖତରଙ୍କ ଘର ସାମ୍ନାରେ ବିକ୍ଷୋଭ କରିଛନ୍ତି । ଆରଏସଏସ ଖରାପ ସମୟରେ ସମସ୍ତଙ୍କର ସାହାଯ୍ୟ କରିଥାଏ ।
ଜାଭେଦଙ୍କ ଭଳି ଜଣେ ଶିକ୍ଷିତ ଲୋକ ଏପରି ବିବୃତ୍ତି ଦେବା ଲଜ୍ଜାଜନକ । ତେଣୁ ଜାଭେଦ ଖୁବଶୀଘ୍ର କ୍ଷମା ମାଗନ୍ତୁ ବୋଲି ବିକ୍ଷୋଭକାରୀମାନେ କହିଥିଲେ । ଅପରପକ୍ଷେ ଭାରତ ଏକ ଧର୍ମନିରପେକ୍ଷ ଦେଶ କିନ୍ତୁ ସେଠାରେ ଅନେକ ଲୋକ ଅଛନ୍ତି ଯେଉଁମାନେ ଆରଏସଏସ ଓ ଭିଏଚପିକୁ ସମର୍ଥନ କରନ୍ତି । ଯାହାର ଚିନ୍ତାଧାରା ୧୯୩୦ର ନାଜିଙ୍କ ସହ ସମାନ ବୋଲି ଜାଭେଦ ଅଖତର କହିଥିଲେ ।
