କେଉଁଠି ଅଛି ୫-ଟି ଅଫିସ?: ଜୟନାରାୟଣ ମିଶ୍ର

ଭୁବନେଶ୍ୱର (ବଡ଼ ଖବର ବ୍ୟୁରୋ): ବିଧାନସଭାରେ ଦେଖାଦେଇଛି ୫-ଟି ଝଡ଼ । ୫-ଟି କୁ ନେଇ ପ୍ରଶ୍ନ କରିଛି ବିରୋଧୀ ଦଳ । ୫-ଟି କ’ଣ ବୁଝା ପଡ଼ୁନି । ଏହା କ’ଣ ଏକ ବିଭାଗ ବୋଲି ପ୍ରଶ୍ନ କରିଛନ୍ତି ବିରୋଧୀ ଦଳ ନେତା ଜୟନାରାୟଣ ମିଶ୍ର । କହିଛନ୍ତି, ଯଦି ଏହା ଏକ ବିଭାଗ ତେବେ ଏହାର ଅଫିସ କେଉଁଠି ଅଛି? ରାଜଭବନ ରେ ଅଛି ନା ଲୋକସେବା ଭବନରେ ଅଛି ନା ଖାରବେଳ ଭବନରେ ରହିଛି । ଏଥିପାଇଁ ଏକ ବିଭାଗ ସୃଷ୍ଟି ହୋଇଛି କି?

ଯଦି ହୋଇଛି ତେବେ ଏହାର ଅନ୍ୟ କର୍ମଚାରୀ ମାନେ କିଏ? ଅନ୍ୟ ବିଭାଗର କ୍ଷମତା ସଙ୍କୁଚିତ ପାଇଁ ଏହି ବିଭାଗ କରାଯାଇଛି କି । ଯଦି ଏହା ଏକ ବିଭାଗ ତେବେ ବିଧାନସଭା ରେ କାହିଁକି ପ୍ରଶ୍ନ ଉତ୍ତର କାର୍ଯ୍ୟକ୍ରମ ହେଉନି ବୋଲି କହି ୫-ଟି ଉପରେ ପ୍ରଶ୍ନ ଉଠାଇଛନ୍ତି । ଯଦି ଏହା ଏକ ବିଭାଗ ତେବେ ସେ ବିଷୟରେ ଆମେ ବିଧାନସଭା ରେ ପ୍ରଶ୍ନ କରିବାକୁ ଚାହୁଁଚୁ । ସେ ନେଇ ସରକାର ସ୍ପଷ୍ଟିକରଣ ରଖନ୍ତୁ ସରକାର ।