କଟକ(ବଡ଼ ଖବର ବ୍ୟୁରୋ): ଓଡିଶା ହାଇକୋର୍ଟ ୭୫ତମ ପ୍ରତିଷ୍ଠା ଦିବସ ପାଳନ କରିବା ପୂର୍ବରୁ ଏହା ସହ ଯୋଡି ହୋଇଛି ଆଉ ଏକ ସଫଳତାର ଅଧ୍ୟାୟ । ଓଡିଆରେ ରାୟ ପ୍ରଦାନ କରି ଇତିହାସ ସୃଷ୍ଟି କରିଛନ୍ତି ହାଇକୋର୍ଟ । ଓଡିଆରେ ନିଜର ରାୟ ପ୍ରକାଶ କରିଛନ୍ତି ଜଷ୍ଟିସ ଡକ୍ଟର ସଞ୍ଜୀବ କୁମାର ପାଣିଗ୍ରାହୀ ।
ଓଡିଆ ଭାଷାରେ କୌଣସି ରାୟ ପ୍ରକାଶିତ ହେବାରେ ଏହା ପ୍ରଥମ । ସାଧାରଣରେ ଲୋକମାନେ ହାଇକୋର୍ଟ ଏବଂ ସୁପ୍ରିମକୋର୍ଟଙ୍କ ରାୟକୁ ବୁଝିବାରେ କଷ୍ଟ ହୋଇଥାଏ । ନିଜ ମାତୃଭାଷାରେ ରାୟ ପ୍ରକାଶିତ ହେଲେ ଏହା ସମସ୍ତଙ୍କୁ ସହଜରେ ବୋଧଗମ୍ୟ ହୋଇପାରିବ । ଏହା ପୂର୍ବରୁ ସୁପ୍ରିମକୋର୍ଟଙ୍କ ପ୍ରଧାନ ବିଚାରପତି ଜଷ୍ଟିସ ଡି ୱାଇ ଚନ୍ଦ୍ରଚୁଡ ବିଭିନ୍ନ ଆଞ୍ଚଳିକ ଭାଷାରେ ରାୟ ପ୍ରକାଶ ଉପରେ ଗୁରୁତ୍ୱ ଦେଇଥିଲେ ।
