ଇସ୍ତଫା ଦେବାର ପ୍ରଶ୍ନ ଉଠୁନି: ବିରେନ ସିଂ
ଇମ୍ଫାଲ (ବଡ଼ ଖବର ବ୍ୟୁରୋ): ମଣିପୁର ପ୍ରସଙ୍ଗକୁ ନେଇ ଜାରି ରହିଛି ହଙ୍ଗମା । ଜାରି ରହିଥିବା ହିଂସାକାଣ୍ଡ ଯୋଗୁ ରାଜ୍ୟରେ ଆଇନ ଶୃଙ୍ଖଳା ପରିସ୍ଥିତିକୁ ନେଇ ପ୍ରଶ୍ନ ଉଠିଛି ଏବଂ ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି ହେଉଛି। କିନ୍ତୁ ଏହାକୁ ନେଇ ପ୍ରତିକ୍ରିୟା ରଖିଛନ୍ତି ମୁଖ୍ୟମନ୍ତ୍ରୀ ଏନ୍. ବିରେନ ସିଂ । କହିଛନ୍ତି ସେ ତାଙ୍କ ପଦରୁ ଇସ୍ତଫା ଦେବେ ନାହିଁ। ଏକ ସାକ୍ଷାତକାରରେ ବିରେନ ସିଂ କହିଛନ୍ତି , ଇସ୍ତଫା ଦେବାର କୌଣସି ପ୍ରଶ୍ନ ନାହିଁ ।
ଯଦି କେନ୍ଦ୍ରୀୟ ନେତୃତ୍ୱ କହିବେ ମୁଁ ଏହା କରିବାକୁ ପ୍ରସ୍ତୁତ ଅଛନ୍ତି । ସେ ଆହୁରି ମଧ୍ୟ କହିଛନ୍ତି ମଣିପୁରର ଲୋକମାନେ ମତେ ମନୋନୀତ କରିଛନ୍ତି। ସେ କହିଛନ୍ତି ଯେ ଇସ୍ତଫା ଦେବାର କୌଣସି ପ୍ରଶ୍ନ ନାହିଁ । କିନ୍ତୁ ହଁ, ଯଦି କେନ୍ଦ୍ରୀୟ ନେତୃତ୍ୱ କୁହନ୍ତି ଏବଂ ମଣିପୁରର ଲୋକମାନେ ଚାହାଁନ୍ତି ତାହାଲେ ମୁଁ ଇସ୍ତଫା ଦେବି।