ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ସ୍ମାରକପତ୍ର
କୋଟଗଡ଼ (ବଡ଼ ଖବର ବ୍ୟୁରୋ): କନ୍ଧମାଳ ଜିଲ୍ଲା କୋଟଗଡ଼ ତହସିଲଦାରଙ୍କୁ ଆଦିବାସୀ ଏକତା ପରିଷଦ ବୁଧବାର ରାଷ୍ଟ୍ରପତିଙ୍କ ଉଦ୍ଧେଶ୍ୟରେ ସ୍ମାରକପତ୍ର ପ୍ରଦାନ କରିଛି । ଦେଶବ୍ୟାପୀ ଆଦିବାସୀଙ୍କ ପ୍ରତି ହେଉଥିବା ଅନ୍ୟାୟକୁ ବିରୋଧ ଆଦିବାସୀ ଏକତା ପରିଷଦ ବିରୋଧ କରୁଛି ବୋଲି ସ୍ମାରକପତ୍ରରେ ଉଲ୍ଲେଖ କରାଯାଇଛି । ୨୦୨୧ରେ ହେବାକୁ ଥିବା ଜନଗଣନାରେ ଆଦିବାସୀଙ୍କୁ ହିନ୍ଦୁ ଧର୍ମରେ ଲେଖାଇବାକୁ ଯୋଉଁ କଥା ଉଠୁଛି ତୀବ୍ର ବିରୋଧ କରିଛି ପରିଷଦ । ବିକାଶ ନାମରେ ଆଦିବାସୀଙ୍କୁ ବିସ୍ଥାପିତ କରିବା ବନ୍ଦ କରିବାକୁ ଆଦିବାସୀ ଏକତା ପରିଷଦ ସ୍ମାରକପତ୍ରରେ ଦର୍ଶାଇଛି । ଏହିଭଳି ୧୨ଦଫା ଦାବି ଉଲ୍ଲେଖ ରହିଛି ।
କୋଟଗଡ଼ ଆଦିବାସୀ ଏକତା ପରିଷଦର ସଦସ୍ୟମାନେ ଆଜି ଜଗନ୍ନାଥ ମନ୍ଦିରରୁ ବାହାରି ତହସିଲଦାରଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଶୋଭାଯାତ୍ରା ଯାଇଥିଲେ । ସେଠାରେ ତହସିଲଦାର ଲଷ୍ମୀଧର ସାହୁଙ୍କୁ ସ୍ମାରକପତ୍ର ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ ପିଣ୍ଟୁ ମଲିକ, ଜିରିମିୟ ସୁକାମାଝି, ଷ୍ଟିଫାନ ପ୍ରଧାନ, ସରୋଜ ବେହେରା ମାଝୀ, ସୁଜିତ ଦଳେଇ ମାଝି, ଆବ୍ରହମ ସୁକମାଝୀ, ସୁରଦା ପ୍ରଧାନ, ବଳବନ୍ତ କାର୍ଜି ମାଝିଙ୍କ ସମେତ ପ୍ରାୟ ୩୦ରୁ ଊର୍ଧ୍ୱ ଲୋକ ସାମିଲ୍ ହୋଇଥିଲେ ।