ସୌମ୍ୟ ସସପେନ୍ସ: ୬ଘଣ୍ଟା ଖଇରା ବନ୍ଦ
ଖଇରା (ବଡ଼ ଖବର ବ୍ୟୁରୋ): ଏସିଏଫ୍ ସୌମ୍ୟ ରଞ୍ଜନଙ୍କ ରହସ୍ୟଜନକ ମୃତ୍ୟୁକୁ ୨ ମାସ ବିତିଯାଇଥିଲେ ମଧ୍ୟ ସମ୍ପୃକ୍ତ ଦୋଷୀଙ୍କୁ ଏପର୍ଯ୍ୟନ୍ତ ଗିରଫ କରାଯାଇନାହିଁ। ଏଥିରେ ସମ୍ପୃକ୍ତ ଦୋଷୀଙ୍କୁ ତୁରନ୍ତ ଦଣ୍ଡବିଧାନ ଦାବିରେ ଆଜି ଖଇରା ଅଞ୍ଚଳର ଯୁବ ଗୋଷ୍ଠି, ବୁଦ୍ଧିଜୀବୀ, ସମାଜସେବୀ, ବରିଷ୍ଠନାଗରିକ, କୃଷକ ବିଭିନ୍ନ ସ୍ୱେଚ୍ଛାସେବୀ ସଙ୍ଗଠନ ଖଇରା ବଜାରକୁ ୬ଘଣ୍ଟା ପାଇଁ ବନ୍ଦ ଡାକରା ଦେଇଛନ୍ତି।
କେବଳ ଜରୁରୀକାଳୀନ ସେବାକୁ ଛାଡ଼ି ଦୋକାନ, ଅଫିସ ସୋର-କୁପାରୀ ରାଜ୍ୟ ରାଜପଥକୁ ବନ୍ଦ କରିଛନ୍ତି । ଆଗାମୀ ଦିନରେ ଯଦି ଦୋଷୀଙ୍କୁ ଗିରଫ କରାନଯାଏ ତେବେ ଆନ୍ଦୋଳନ ତୀବ୍ର ହେବବୋଲି ଅଞ୍ଚଳବାସୀ ଚେତାବନୀ ଦେଇଛନ୍ତି।