ଆକ୍ସନ ମୁଡରେ ଖଇରା ପୋଲିସ

ଖଇରା (ବଡ଼ ଖବର ବ୍ୟୁରୋ): ଆକ୍ସନ ମୁଡରେ ଖଇରା ପୋଲିସ । ବାଲେଶ୍ଵର ଜିଲ୍ଲା ଖଇରା ତହସିଲ ଅଧୀନ ଶରୀଶୁଆ ବଗେଇପୁର ଖଣି ଅଞ୍ଚଳରୁ ୩ଟି ମେଣ୍ଟାଲ ବୋଝେଇ ଟ୍ରାକ୍ଟର ଜବତ କରିଛି ପୋଲିସ । ସୋମବାର ବଗେଇପୁର ଖଣି ଅଞ୍ଚଳରେ ମେଣ୍ଟାଲ ଚୋରାଚାଲାଣ ହେଉଥିଲା । ଖବର ପାଇଥିଲା ପୋଲିସ । ଆଇଆଇସି ସୁବ୍ରତ କୁମାର ବେହେରାଙ୍କ ନେତୃତ୍ୱରେ ଏକ ଟିମ ଘଟଣାସ୍ଥଳରେ ପହଞ୍ଚି ଟ୍ରାକ୍ଟରଗୁଡିକୁ ଜବତ କରିବା ସହ ୩ ଡ୍ରାଇଭରଙ୍କୁ ମଧ୍ୟ ଅଟକ ରଖିଛନ୍ତି । ଗୌତମ ଗାହାଣ, ବିଜୁଳି ଦେଉରୀ, ସୁଶାନ୍ତ ଖଟୁଆଙ୍କ ନାମରେ ମାମଲା ରୁଜୁ କରାଯାଇଛି । ଆସନ୍ତାକାଲି ସେମାନଙ୍କୁ କୋର୍ଟ ଚାଲାଣ କରାଯିବ ବୋଲି ଥାନା ଅଧିକାରୀ ସୂଚନା ଦେଇଛନ୍ତି ।