ଖରସ୍ରୋତା ମାମଲା, ତେଜୁଛି ଜନ ଅସନ୍ତୋଷ

ରାଜକନିକା(ବଡ଼ ଖବର ବ୍ୟୁରୋ): ଖରସ୍ରୋତାରେ ମେଗା ପାନୀୟ ଜଳ ପ୍ରକଳ୍ପ ନିର୍ମାଣକୁ ନେଇ ଅସନ୍ତୋଷ ତେଜିବାରେ ଲାଗିଛି ।ସାତ ଦିନ ଧରି ପ୍ରଶାସନ ଓ ଆନ୍ଦୋଳନକାରୀ ମୁହାଁ ମୁହିଁ ହୋଇଛନ୍ତି । ୨୪ଜଣ ଆନ୍ଦୋଳନକାରୀଙ୍କୁ ପୋଲିସ ଗିରଫ କରିବା ସହ କେନ୍ଦ୍ରାପଡ଼ା ବିଜେପି ଜିଲ୍ଲା ଉପସଭାପତି କୃଷ୍ଣ ଚନ୍ଦ୍ର ପଣ୍ଡାଙ୍କୁ ଗିରଫ କରିଛି ପୋଲିସ ପ୍ରଶାସନ ।

ତେବେ ଏହି ଖରସ୍ରୋତା ନଦୀ ବଞ୍ଚାଓ ସମିତି ପକ୍ଷରୁ କନିକା ବ୍ଲକର ସାମାଜିକ କର୍ମୀ ଶ୍ରୀକାନ୍ତ ନାୟକ କେନ୍ଦ୍ରାପଡ଼ା ଜିଲ୍ଲାପାଳ ଅମ୍ରିତ ଋତୁରାଜଙ୍କ ଆବାସିକ କାର୍ୟ୍ୟାଳୟ ସମ୍ମୁଖରେ ଥିବା ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ସମ୍ମୁଖରେ ୬ଦିନ ହେବ ଆମରଣ ଅନଶନରେ ବସି ଥିଲେ । ତେବେ କାଲିଠାରୁ ଗଣଧାରଣା ଆରମ୍ଭ ହୋଇଥିବା ବେଳେ ଅନଶନରେ ବସିଥିବା ସମାଜସେବୀ ଶ୍ରୀକାନ୍ତ ନାୟକଙ୍କୁ ବଳପୂର୍ବକ ଭାବେ ଏକ ପ୍ଲାଟୁନ ପୋଲିସ ଫୋର୍ସ ମାଧମରେ ଶ୍ରୀକାନ୍ତଙ୍କୁ ଧାରଣା ସ୍ଥଳରୁ ଉଠାଇ ନେଇଛି ।