ଭକ୍ତ ଶୂନ୍ୟ ମା’ରାମଚଣ୍ଡୀ ପୀଠ

କୋଣାର୍କ(ବଡ଼ ଖବର ବ୍ୟୁରୋ): କରୋନା ମହାମାରୀ ପାଇଁ ସାରା ବିଶ୍ୱରେ ହାହାକାର ପଡିଥିବା ବେଳେ ଏଥିରେ ଅଧିକ ପ୍ରଭାବିତ ହୋଇଛି ପର୍ଯ୍ୟଟନ ସ୍ଥଳୀ। ଏହାର ପ୍ରଭାବ କୋଣାର୍କର ବିଖ୍ୟାତ ପର୍ଯ୍ୟଟନ ସ୍ଥଳୀ ମା’ ରାମଚଣ୍ଡୀଙ୍କ ପୀଠରେ ପଡିଛି । ଅନଲକ ପକ୍ରିୟାରେ ମନ୍ଦିର ଖୋଲିଥିଲେ ମଧ୍ୟ ଏବେ ଭକ୍ତ ଶୂନ୍ୟ ମା’ ରାମଚଣ୍ଡୀଙ୍କ ପୀଠ। ଯେଉଁଠି ଦିନେ ଶହ ଶହ ଶ୍ରଦ୍ଧାଳୁଙ୍କ ଭିଡ଼ ଦେଖିବାକୁ ମିଳୁଥିଲା ସେହି ସ୍ଥାନ ଆଜି ନିରବ ଓ ନିସ୍ତବ୍ଧ।ଏବେ ମନ୍ଦିରକୁ ଲୋକମାନେ ଆସୁନଥିବାରୁ ଜୀବିକା ହରାଇଲେଣି ପୂଜା ଦୋକାନୀ । ମନ୍ଦିର ଅବହେଳିତ ଥିବା ପୂଜକ ସୂଚନା ଦେବା ପରେ ସରକାରଙ୍କୁ ସହାୟତା ପାଇଁ ନିବେଦନ କରିଛନ୍ତି ସ୍ଥାନୀୟ ଲୋକେ । ସରକାର ଯଥାଶୀଘ୍ର ସମସ୍ତ କୋଭିଡ ଗାଇଡ଼ ଲାଇନ ମଧ୍ୟରେ ଦେବଦେବୀ ମନ୍ଦିର ଖୋଲିବା ସହିତ ମା’ ରାମଚଣ୍ଡୀଙ୍କ ପୀଠର ଉନ୍ନତି ପାଇଁ ପଦକ୍ଷେପ ଗ୍ରହଣ କରିବାକୁ ଦାବି କରାଯାଇଛି ।