‘ବଡ଼ ଖବର’ ହାତରେ ଲାଗିଛି ରୋଚକ ତଥ୍ୟ: ନାବାଳକକୁ ସାବାଳକ ସଜାଇ …….

ପିପିଲି(ବଡ଼ ଖବର ବ୍ୟୁରୋ): ପୁଣି ଚର୍ଚ୍ଚାରେ ପିପିଲି ପୋଲିସ । ସାରା ରାଜ୍ୟରେ ଚହଳ ସୃଷ୍ଟି କରିଥିବା ପିପିଲି ଥାନା ହାଜତ ଥାର୍ଡ ଡିଗ୍ରୀ ଘଟଣାରେ ପିପିଲି ପୋଲିସ ଏବେ ଅଡୁଆ ସୂତାରେ ଛନ୍ଦି ହୋଇଯାଇଛି । ଜଣେ ନାବାଳକ ଅଭିଯୁକ୍ତଙ୍କୁ ସାବାଳକ ସଜାଇ ନିସ୍ତୁକ ପିଟି ଜେଲ ହାଜତରେ ଠୁଙ୍କି ଦେଇଛି ପୋଲିସ । ଆକ୍ରମଣ ମାମଲାରେ ପିପିଲି ସୁଲତାନ ନଗର ଅଞ୍ଚଳର ଜଣେ ୧୭ ବର୍ଷର ପୁଅକୁ ପୁଲିସ ଉଠାଇ ନେଇ ନିସ୍ତୁକ ମାଡ଼ ମାରିଥିବା ପରିବାର ଲୋକେ ଅଭିଯୋଗ କରିଛନ୍ତି । ଯେଉଁ ମାମଲାରେ ତାଙ୍କୁ ଗିରଫ ଦର୍ଶାଯାଇଛି,ଉକ୍ତ ଘଟଣା ଘଟିବାର ୨ଘଣ୍ଟା ପୂର୍ବରୁ ତାଙ୍କୁ ପୁଲିସ ଉଠାଇ ଆଣି ଥାନାରେ ଅଟକ ରଖିଥିଲା ବୋଲି ପରିବାର ଲୋକେ ଅଭିଯୋଗ କରିଛନ୍ତି । ଏହି ଘଟଣା କ୍ରମେ ଜଟିଳ ମୋଡ଼ ନେଉଛି । ନାବାଳକ ଅପରାଧୀଙ୍କୁ ସ୍ୱତନ୍ତ୍ର ଅଦାଲତକୁ ପଠାଇବାର ନିୟମ ରହିଛି । ବ୍ରହ୍ମପୁରସ୍ଥିତ ବାଳ ଅପରାଧ ଜେଲକୁ ପଠାଇବା ପରିବର୍ତ୍ତେ ନିମାପଡା ଜେଲକୁ ପଠାଇ ପୋଲିସ ଏବେ ହରଡ଼ଘଣାରେ ପଡିଛି । ତେବେ ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଅତୀତର ବେବିନା ଦୁଷ୍କର୍ମ ଓ ହତ୍ୟା ଘଟଣାରେ ପିପିଲି ପୋଲିସ ସାରା ଦେଶରେ ନିନ୍ଦିତ ହୋଇଥିବାବେଳେ ଏବେ ଥାନା ହାଜତରେ ଥାର୍ଡ ଡିଗ୍ରୀ ଘଟଣା ପିପିଲି ପୋଲିସର କାର୍ଯ୍ୟଦକ୍ଷତା ଓ ନିରପେକ୍ଷତା ପ୍ରତି ଅଙ୍ଗୁଳି ନିର୍ଦ୍ଦେଶ କରିଛି । ନାବାଳକକୁ ବାଦ୍ ଦେଲେ ଅନ୍ୟ ୫ ଅଭିଯୁକ୍ତ ଅତି ଗୁରୁତର ହୋଇ କଟକ ବଡ଼ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଏହି ଅମାନବୀୟ ଘଟଣାକୁ ନେଇ ସ୍ଥାନୀୟ ବୁଦ୍ଧିଜୀବୀ, ମାନବାଧିକାର କର୍ମୀ ପ୍ରମୁଖ ନିନ୍ଦା କରିଛନ୍ତି ।

ଆଗକୁ ପଢନ୍ତୁ
ବ୍ରେକିଙ୍ଗ୍ ନ୍ୟୁଜ୍
🔴 କାଲି ବିଧାନସଭା, ଆଜି ବସିଲା ସର୍ବଦଳୀୟ ବୈଠକ 🔴 ଭୁବନେଶ୍ୱରରେ ବିଗିଡିଲା ବାୟୁର ମାନ 🔴 ଦିଲ୍ଲୀରେ ବିଷାକ୍ତ ହେଲା ବାୟୁ 🔴 ଭୂକମ୍ପରେ ଥରିଲା ଜାପାନ 🔴 ଭୂକମ୍ପରେ ଥରିଲା ଜାପାନ 🔴 ଦୀପାବଳୀ ପରେ ବଢିବ ଶୀତ 🔴 ବାତ୍ୟା ଓ ବନ୍ୟାରେ ପ୍ରଭାବିତ ଗଞ୍ଜାମ ଲୋକଙ୍କ ପାଇଁ ସହାୟତା ଲୋଡ଼ିଲେ ଜିଲ୍ଲାପାଳ 🔴 ଦୁର୍ନୀତି ବିରୋଧରେ କଠୋର ହେଲେ ରାଜସ୍ଵ ଓ ବିପର୍ଯ୍ୟୟ ପରିଚାଳନା ବିଭାଗର ଏସିଏସ 🔴 ୪୬ ଦିନ ପରେ ଖୋଲିଲା କଳିଙ୍ଗା ଘାଟି 🔴 ଦୀପାବଳି ପାଳିବେନି ମୁଖ୍ୟମନ୍ତ୍ରୀ 🔴 କାଲି ବିଧାନସଭା, ଆଜି ବସିଲା ସର୍ବଦଳୀୟ ବୈଠକ 🔴 ଭୁବନେଶ୍ୱରରେ ବିଗିଡିଲା ବାୟୁର ମାନ 🔴 ଦିଲ୍ଲୀରେ ବିଷାକ୍ତ ହେଲା ବାୟୁ 🔴 ଭୂକମ୍ପରେ ଥରିଲା ଜାପାନ 🔴 ଭୂକମ୍ପରେ ଥରିଲା ଜାପାନ 🔴 ଦୀପାବଳୀ ପରେ ବଢିବ ଶୀତ 🔴 ବାତ୍ୟା ଓ ବନ୍ୟାରେ ପ୍ରଭାବିତ ଗଞ୍ଜାମ ଲୋକଙ୍କ ପାଇଁ ସହାୟତା ଲୋଡ଼ିଲେ ଜିଲ୍ଲାପାଳ 🔴 ଦୁର୍ନୀତି ବିରୋଧରେ କଠୋର ହେଲେ ରାଜସ୍ଵ ଓ ବିପର୍ଯ୍ୟୟ ପରିଚାଳନା ବିଭାଗର ଏସିଏସ 🔴 ୪୬ ଦିନ ପରେ ଖୋଲିଲା କଳିଙ୍ଗା ଘାଟି 🔴 ଦୀପାବଳି ପାଳିବେନି ମୁଖ୍ୟମନ୍ତ୍ରୀ