ବାଜିରେ ଲାଗିଛି ଜୀବନ

ପଦ୍ମପୁର (ବଡ଼ ଖବର ବ୍ୟୁରୋ): ବାଜିରେ ଲାଗିଛି ଶ୍ରମିକଙ୍କ ଜୀବନ । ସେଫଟି କିଟ୍ ନଥାଇ ଶହ ଶହ ଫୁଟ୍ ଉପରେ ସେମାନେ କାମ କରୁଛନ୍ତି । ପଦ୍ମପୁର ଉପଖଣ୍ଡ ଚାରପାଲିରେ ଏଭଳି ଦୃଶ୍ୟ ଦେଖିବାକୁ ମିଳିଛି । ଚାରପାଲିରେ ଚାଲିଥିବା ପାଣିଟାଙ୍କି କାମରେ ହେଲମେଣ୍ଟ କିମ୍ବା ସେଫଟି ଜ୍ୟାକେଟ୍ ନପିନ୍ଧି ଶ୍ରମିକମାନେ ଲାଗିଛନ୍ତି । ଆରଡବ୍ଲୁଏସଏସ ଓ ପିଏଚଇଡ଼ ପକ୍ଷରୁ ଏହି କାମ ହେଉଛି । ମାତ୍ର ଶ୍ରମିକଙ୍କ ସୁରକ୍ଷା ଲାଗି କାହାର ନିଘା ନାହିଁ । କାର୍ଯ୍ୟସ୍ଥଳରେ ବ୍ୟାରିକେଡ ନାହିଁ । କାମ ତଦାରଖ କରିବା ଲାଗି ମାଳ ମାଳ ଅଫିସର ପ୍ରତିଦିନ ଆସୁଛନ୍ତି । ତଥାପି ଶ୍ରମିକଙ୍କ ସୁରକ୍ଷା ପ୍ରତି ସମସ୍ତେ ଆଖିବୁଜି ଦେଇଛନ୍ତି ।

ଅବସ୍ୟ ପୂର୍ବରୁ ଆରଡବ୍ଲୁଏସଏସର ଏସଡ଼ିଓ ରଶ୍ମୀରଞ୍ଜନ ମର୍ଥା ଠିକାଦାର ଓ ଶ୍ରମିକଙ୍କୁ ତାଗିଦ କରିଥିଲେ । କିଛିଦିନ ନିୟମ ମାନି କାମ କରିଥିଲେ ଶ୍ରମିକ । ଏବେ ବିନା ସେଫଟି କିଟରେ କାମ କରୁଛନ୍ତି । ଏନେଇ ପିଏଚଇଡ଼ ଜେଇଙ୍କୁ ଜଣାଯାଇଥିଲେ ସୁଦ୍ଧା ସେ ନଜର ଦେଉନଥିବା ଅଭିଯୋଗ ହେଉଛି ।