![](https://i0.wp.com/badakhabar.in/wp-content/uploads/2020/10/18026ed7-dec4-47d9-93ba-e009b30f88b2.jpg?fit=780%2C1040&ssl=1)
ସାଲେପୁର (ବଡ଼ ଖବର ବ୍ୟୁରୋ): କଥାରେ ଅଛି ଡ୍ୟୁଟି ଇଜ୍ ଗଡ୍ । ମୋଟା ଅଙ୍କର ଦରମା ପାଉଥିବା ପୁଲିସବାବୁ ଅଜବ ସଉକରେ ମାତିଛନ୍ତି । ଡ୍ୟୁଟି କରିବାକୁ ସରକାରଙ୍କଠାରୁ ଦରମା ପାଉଥିଲେ ମଧ୍ୟ ନିଜ କର୍ତ୍ତବ୍ୟକୁ ସେ ଭୁଲିଯାଇଛନ୍ତି । ଏଭଳି ଘଟଣା ଦେଖିବାକୁ ମିଳିଛି କଟକ ଜିଲ୍ଲାର ସାଲେପୁର ଅଞ୍ଚଳରେ । କୋଭିଡ୍ କଟକଣାକୁ ଲୋକେ ଅବମାନନା କରୁଥିବା ବେଳେ ପୋଲିସବାବୁ ଖୁଲମଖୁଲା ଟେବୁଲ ଉପରେ ଶୋଇ ମୋବାଇଲ ଦେଖୁଥିବାର ଦୃଶ୍ୟ ସମସ୍ତଙ୍କୁ ଚକିତ କରିଛି । ସାଲେପୁର ବ୍ଳକ କିଶନନଗର ଅଧୀନରେ ଥିବା ୧୦ଟି ବାଲିଘାଟ ନିଲାମ ହେଉଥିଲା । ସିଏମସି ମୂଲ୍ୟଠାରୁ ୩୬ଗୁଣ ଅଧିକ ମୂଲ୍ୟରେ ଟେଣ୍ଡର ପଡ଼ୁଥିଲା । ତହସିଲ ସାମନାରେ ଲୋକେ ଭିଡ଼ ଜମାଇଥିଲେ ।
ମାସ୍କ, ସମଦୂରତାକୁ ଲୋକେ ଫୁ କରିଦେଇଥିଲେ । ଭିଡ଼କୁ ଦୃଷ୍ଟିରେ ରଖି ପୋଲିସ ମୃତୟନ କରାଯାଇଥିଲେ ସୁଦ୍ଧା ବାବୁମାନେ କିନ୍ତୁ ଏସବୁକୁ ଦୃଷ୍ଟି ଦେଇନଥିଲେ । ସେମାନେ ନିଜ ନିଜ ଭିତରେ କଥା ହେଉଥିବା ଦେଖିବାକୁ ମିଳିଥିଲା ।