୧୬ଟି ରୋଗରେ ପୀଡ଼ିତ ଲାଲୁ, ଏମ୍ସରେ ଭର୍ତ୍ତି

ରାଞ୍ଚି(ବଡ଼ ଖବର ବ୍ୟୁରୋ): ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କ ସ୍ୱାସ୍ଥ୍ୟବସ୍ଥା ଗୁରୁତର । ଉନ୍ନତ ଚିକିତ୍ସା ପାଇଁ ଲାଲୁଙ୍କୁ ଦିଲ୍ଲୀ ଆଇଏମ୍ସକୁ ସ୍ଥାନାନ୍ତର କରାଯାଇଛି । ମେଡିକାଲ ବୋର୍ଡ ଅଫ୍ ରିଏମ୍ଏସ୍ ଲାଲୁ ଯାଦବଙ୍କୁ ଦିଲ୍ଲୀ ଏମ୍ସକୁ ନେବାକୁ ଅନୁମତି ଦେବାପରେ ସ୍ୱତନ୍ତ୍ର ଏୟାର ଆମ୍ବୁଲାନ୍ସ ଯୋଗେ ଲାଲୁଙ୍କୁ ଏମସ୍ରେ ଭର୍ତ୍ତି କରାଯାଇଛି ।ସୂଚନାନୁସାରେ ଲାଲୁ ଯାଦବ ମଧୁମେହ ସମେତ ରକ୍ତଚାପ, ହୃଦରୋଗ, ପ୍ରୋଷ୍ଟେଟ ବୃଦ୍ଧି, ୟୁରିକ୍ ଏସିଡ୍ ବୃଦ୍ଧି, କିଡନୀ ରୋଗ, କିଡନୀ ପଥର, ଥାଲାସେମିଆ (ରକ୍ତ ସମ୍ବନ୍ଧୀୟ ରୋଗ), ମସ୍ତିଷ୍କ ସମ୍ବନ୍ଧୀୟ ରୋଗ, ଡାହାଣ କାନ୍ଧ ହାଡ ଅସୁବିଧା, ଗୋଡ,ହାଡ, ଆଖି ସମସ୍ୟା ଆଦି ୧୬ ପ୍ରକାର ରୋଗରେ ପୀଡିତ ଥିବାରୁ ଦିନକୁ ଦିନ ତାଙ୍କ ସ୍ୱାସ୍ଥ୍ୟବସ୍ଥା ବିଗିଡିବାରେ ଲାଗିଛି । ପୂର୍ବରୁ ଚାରା ଦୁର୍ନୀତିରେ ଦୋଷୀ ସାବ୍ୟସ୍ତ ହୋଇଥିବା ଲାଲୁ ୨ବର୍ଷ ଯାଏ ଜେଲ ଦଣ୍ଡ ଭୋଭୁଥିଲେ ।