ରେଲୱେ ଘରୋଇକରଣ ବିରୋଧରେ ଖୋଲା ଅଧିବେଶନ
ସମ୍ବଲପୁର(ବଡ଼ ଖବର ବ୍ୟୁରୋ): ଅଲଇଣ୍ଡିଆ ଲୋକୋ ରନିଙ୍ଗ ଷ୍ଟାପ ଆସୋସିଏସନ ସମ୍ବଲପୁର ଡିଭିଜନ ପକ୍ଷରୁ ମଣ୍ଡଳୀ ସ୍ତରୀୟ ସମାବେଶ ଅନୁଷ୍ଠିତ ହୋଇଯାଇଛି । ଏହି ସମାବେଶକୁ ଲୋକୋ ପାଇଲାଟ ସୁକାନ୍ତ ସୁନା ଉଦଘାଟନ କରିଥିଲେ । ଏଥିରେ ସମ୍ବଲପୁର ଡିଭିଜନ ଅନ୍ତର୍ଗତ ସମ୍ବଲପୁର, ବରଗଡ, ବଲାଙ୍ଗୀର, କଳାହାଣ୍ଡି ସମେତ ବିଭିନ୍ନ ଅଞ୍ଚଳରୁ ସଂଘର ସଭ୍ୟମାନେ ଯୋଗ ଦେଇଥିଲେ । ସମାବେଶରେ ମୁଖ୍ୟତ ରେଲୱେ ଘରୋଇକରଣ, ଷ୍ଟପେଜରାତ୍ରି ଡ୍ୟୁଟି ଭତ୍ତା , ନୂତନ ପେନସନ ଯୋଜନାକୁ ନେଇ ଯେଉଁ ସମସ୍ୟା ରହିଛି ସେନେଇ ବିଶେଷ ଆଲୋଚନା କରାଯାଇଥିଲା । ସମାବେଶରେ ରେଲୱେର ସମସ୍ତ ଶ୍ରମିକ ସଂଘମାନେ ଯୋଗଦେଇ ଆଲୋଚନାରେ ଭାଗ ନେଇଥିଲେ । ରେଲୱେ ଘରୋଇକରଣକୁ ମିଳିତ ଭାବେ ବିରୋଧ କରାଯାଇ ଆଗକୁ ଏନେଇ ବ୍ୟାପକ ସଚେତନତା ସୄଷ୍ଟି କରାଯିବାକୁ ପ୍ରସ୍ତାବ ଗୄହିତ ହୋଇଥିଲା ।