ଗଞ୍ଜାମରୁ ସ୍ମାର୍ଟ କ୍ଲାସର ଶୁଭାରମ୍ଭ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଶନିବାରଠୁ ଆସନ୍ତା ୩୦ ତାରିଖ ଭିତରେ ଗଞ୍ଜାମରେ ରହିବେ ୧୦୯ ବିଧାୟକ। ମୁଖ୍ୟମନ୍ତ୍ରୀଙ୍କ ନିର୍ବାଚନ ମଣ୍ଡଳୀର ଶେରଗଡ଼ ଓ ହିଞ୍ଜିଳି ବ୍ଲକର ୫୦ ଟି ବିଦ୍ୟାଳୟର ସ୍ମାର୍ଟ କ୍ଲାସର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଅତ୍ୟାଧୁନିକ ସାଜସଜ୍ଜା ସହ ଡିଜିଟାଲ ଡିପ୍ଲେ ସାଙ୍ଗକୁ ବ୍ଲକ ବୋର୍ଡ ବଦଳରେ ହ୍ୱାଇଟ ବୋର୍ଡରେ ଲେଖିବେ ଶିକ୍ଷକ ।

ଏହାସହ ସ୍ମାର୍ଟ ଲାଇବ୍ରେରୀ ସୁନ୍ଦର ପରିବେଶର ବାତାବରଣରେ ଛାତ୍ରଛାତ୍ରୀମାନେ ପାଠ ପଡ଼ିବେ। ୨୧,୨୩,୨୬,୨୮ ଓ ୩୦ ତାରିଖ ମଧ୍ୟରେ ପ୍ରତ୍ୟେକ ଦିନ ୧୦ ଟି ବିଦ୍ୟାଳୟରେ ସ୍ମାର୍ଟ କ୍ଲାସର ଉଦଘାଟନ କରାଯିବ। ପ୍ରଥମ ଦିନ ଅର୍ଥାତ୍ ଶନିବାର ମୁଖ୍ୟମନ୍ତ୍ରୀ ଭର୍ଚୁଆଲ ମାଧ୍ୟମରେ ଅପରାହ୍ନରେ ଶୁଭାରମ୍ଭ କରିବାର କାର୍ଯ୍ୟକ୍ରମ ରହିଛି।