ଋଣ ପୈଠ କରିନପାରିବାରୁ ନର୍ସିଂହୋମରେ ତାଲା

ଚାନ୍ଦବାଲି(ବଡ଼ ଖବର ବ୍ୟୁରୋ): ଚାନ୍ଦବାଲି ବିନାୟକ ନର୍ସିଂହୋମରେ ତାଲା ପକାଇଲା ଅର୍ଥ ଲଗାଣକାରୀ ସଂସ୍ଥା । ୩ କୋଟିରୁ ଅଧିକ ଟଙ୍କା ଋଣ ନେଇ ପୈଠ ନକରିଥିବାରୁ ନର୍ସିଂହୋମରେ ତାଲା ପଡିଛି । ବିନାୟକ ନର୍ସିଂହୋମ ଏକ ଘରୋଇ ବ୍ୟାଙ୍କରୁ ୩କୋଟିରୁ ଅଧିକ ଟଙ୍କା ନେଇ ନିଜର ନର୍ସିଂହୋମ କରିଥିଲେ । ବ୍ୟାଙ୍କ ସୁଚନା ମୁତାବକ ମାସକୁ ମାସ ଋଣର କିସ୍ତି ପୈଠ କରିବା କଥା ତାହା ନକରି ବ୍ୟାଙ୍କକୁ ଫାଙ୍କି ଚାଲିଥିଲେ ।

ଦୀର୍ଘ ମାସହେବ ବ୍ୟାଙ୍କ କିସ୍ତି ଖିଲାପ ହେବାରୁ ବାରମ୍ବାର ବ୍ୟାଙ୍କ ନୋଟିସ ପଠାଇବା ସତ୍ୱେ ଋଣ ପୈଠ ନକରି ଅର୍ଥ ଲଗାଣକାରି ସଂସ୍ଥାକୁ ନାଲି ଆଖି ଦେଖାଇ ଆସୁଥିଲେ ନର୍ସିଂହୋମର ମାଲିକ ମୁକ୍ତିକାନ୍ତ ସାହୁ । ସୁଚନା ଯୋଗ୍ୟ ମୁକ୍ତିକାନ୍ତ ସାହୁ ୟୂନିୟନ ବ୍ୟାଙ୍କରୁ ନିଜର ନର୍ସିଂହୋମ କରିବା ପାଇଁ ୩କୋଟିରୁ ଅଧିକ ଟଙ୍କା ରୁଣ ନେଇଥିଲେ । ଠିକ ସମୟରେ ଋଣ ପୈଠ କରିବା ବିଳମ୍ବ ହେବାରୁ ଉକ୍ତ ଅର୍ଥ ଲଗାଣକାରି ସଂସ୍ଥାର ମ୍ୟାନେଜର ଏବଂ ସ୍ଥାନୀୟ ପୋଲିସ, ମାଜିଷ୍ଟ୍ରେଟ ଉପସ୍ଥିତିରେ ଉକ୍ତ ନର୍ସିଂହୋମ ସିଲ କରିଥିବା ଦେଖିବାକୁ ମିଳିଛି।