ଆଠଗଡ଼ରେ ଲୁଟେରା ଆତଙ୍କ

ଆଠଗଡ଼ (ବଡ଼ ଖବର ବ୍ୟୁରୋ): ଆଠଗଡ଼ରେ ପୁଣି ମାତିଲେ ଲୁଟେରା । କିଛିଦିନର ବ୍ୟବଧାନ ପରେ ପୁଣି ଆତଙ୍କ ରଚିଛନ୍ତି ଲୁଟେରାଗ୍ୟାଙ୍ଗ । ରାତିରେ ଗାଁରେ ପଶି ୬ଟି ଘରେ କଳାକନା ବୁଲାଇଛନ୍ତି ଲୁଟେରାମାନେ । ଗୁରୁବାର ରାତି ଗୋଟାଏରେ ଆଠଗଡ଼ ନୂଆବନ୍ଧ ଗାଁରେ ପଶିଥିଲେ ଚୋର ।

ଗାଁର ସମସ୍ତେ ଶୋଥିବା ବେଳେ ୬ଟି ଘରେ ପଶି ଲୁଟପାଟ କରିଛନ୍ତି ଲୁଟେରା ମାନେ । ୬ଟି ଘରୁ ସୁନା ଗହଣା, ପ୍ରାୟ ୪୦ହଜାର ଟଙ୍କା ସହ ୫ଟି ମୋବାଇଲ ଓ ଗୋଟିଏ ସ୍କୁଟି ଲୁଟିନେଇଥିଲେ ଲୁଟେରା । ତେବେ ଲୋକ ଉଠିଯିବାରୁ ସମସ୍ତେ ଖସିଯାଇଥିବା ବେଳେ ଜଣକୁ ଗାଁ ଲୋକେ କାବୁ କରିଥିଲେ । ଏନେଇ ଆଠଗଡ଼ ପୋଲିସ ଖବର ପାଇ ଘଟଣସ୍ଥଳରେ ପହଁଚି ଚୋରକୁ ଗିରଫ କରିଥିଲା । ତେବେ ଏଥିରେ କେଉଁ ମାନେ ସମ୍ପୃକ୍ତ ସେନେଇ ଅଧିକ ତଦନ୍ତ କରୁଛି ପୋଲିସ ।