ଧୂଳି ସଫାକରିବ ଅତ୍ୟାଧୁନିକ ମେସିନ

କେନ୍ଦୁଝର(ବଡ଼ଖବର ବ୍ୟୁରୋ): କେନ୍ଦୁଝର ଜିଲ୍ଲାର ଖଣିଜ ଷକ୍ଷତ୍ର ଏକ ଖଣିଜ ବହୁଳ ଅଞ୍ଚଳ ହୋଇଥିବାବେଳେ ଏଠାରେ ଖଣିଜ ପଦାର୍ଥ ପରିବହନ ନିମନ୍ତେ ଅନେକ ସଂଖ୍ୟାରେ ଗାଡି ମାନ ଚଳାଚଳ କରିଥାଏ । ଏହାଯୋଗୁ ରାସ୍ତାରେ ଅନେକମାତ୍ରାରେ ଧୂଳିସବୁ ରାଜରାସ୍ତାରେ ପଡିବା ଦ୍ୱାରା ପ୍ରଦୁଷଣ ଦେଖିବାକୁ ମିଳିଥାଏ । ଏଥିପାଇଁ ଅନେକ ସମୟରେ ଦୁର୍ଘଟଣା ମାନ ଘଟିଥାଏ । ଯାହାକୁ ନେଇ ବଡ଼ବିଲ ପୌରାଞ୍ଚଳ ବାସିନ୍ଦାମାନେ ବଡ଼ବିଲ ନଗରପାଳ ଲକ୍ଷ୍ମଣ ମହାନ୍ତ ଙ୍କୁ ଅଞ୍ଚଳରେ ଏକ ଅତ୍ୟାଧୁନିକ ରାସ୍ତା ସଫେଇ ମେସିନ୍ ପାଇଁ ବିଗତ ଦିନରେ ଦାବି କରିଥିଲେ ଏବଂ ଆଜି ବଡ଼ବିଲ ନଗରପାଳ ଲକ୍ଷ୍ମଣ ମହାନ୍ତ ଏକ ଅତ୍ୟାଧୁନିକ ରାସ୍ତା ସଫେଇ ମେସିନ୍ ଆଣି ପରୀକ୍ଷା ମୂଳକ ଭାବେ ରାସ୍ତାର ସଫେଇ କାର୍ଯ୍ୟ ଆରମ୍ଭ କରିଥିବା ଦେଖିବାକୁ ମିଳିଥିଲା। ଯାହାକୁ ନେଇ ବଡ଼ବିଲ ପୌରାଞ୍ଚଳ ବାସିନ୍ଦା ମାନଙ୍କ ମଧ୍ୟରେ ଖୁସିର ଲହରୀ ଖେଳିଯାଇଥିବା ବେଳେ ବଡ଼ବିଲ ନଗରପାଳ ଙ୍କୁ ଧନ୍ୟବାଦ୍ ଜଣାଇଛନ୍ତି।