ତାନ୍ତ୍ରିକ ସାଜିଲେ ଟ୍ୟୁସନ ମାଷ୍ଟର
ମାହାଙ୍ଗା, (ବଡ଼ ଖବର ବ୍ୟୁରୋ): କଟକ ଜିଲ୍ଲା ମାହାଙ୍ଗା ଥାନା କୋଳିଅଠା ଗ୍ରାମପଞ୍ଚାୟତରେ କିଛି ଦିନ ଧରି ଏକ ଭଣ୍ଡ ତାନ୍ତ୍ରିକ ନିଜର ସାମ୍ରାଜ୍ୟ ବିସ୍ତାର କରିଚାଲିଥିଲା । ନିଜକୁ ତାନ୍ତ୍ରିକ କହି ଗ୍ରାମର କିଛି ନିରୀହ ଲୋକଙ୍କ ଅନୁଭୂତି ସହ ଖେଳ ଖେଳୁଥିଲା । ଗାଁର ଏକ ଯୁବତୀଙ୍କୁ ତନ୍ତ୍ର ସାଧନା ବଳରେ ୫ ଦିନ ହେବ ଅପହରଣ କରି ନେଇଥିଲା । ଝିଅର ମା-ବାପା ଖୋଜାଖୋଜି କରିବା ପରେ ଜାଣିପାରିଲେ ଝିଅ ଯାଜପୁର ଜିଲ୍ଲା ବରୀ ଅଞ୍ଚଳରେ ଅଛି ବୋଲି । ଅପହୃତ ଝିଅର ଖବର ପାଇ ମାହାଙ୍ଗା ଥାନାରେ ଅଭିଯୋଗ ହୋଇଥିଲା । ଯାଜପୁର ଜିଲ୍ଲା ବରୀ ଅଞ୍ଚଳ ଯାଇ ଯୁବତୀଙ୍କୁ ଉଦ୍ଧାର କରିଛି ମାହାଙ୍ଗା ପୋଲିସ ।
ଭଣ୍ଡ ତାନ୍ତ୍ରିକ ସୁଜିତ ଜୟନାରାୟଣ କିଛି ଦିନ ତଳେ ସେହି ଗ୍ରାମରେ ରହି ଟ୍ୟୁସନ କରୁଥିଲେ ଏବଂ ନିଜ ତନ୍ତ୍ର ବଳରେ ଟ୍ୟୁସନ ର ନାବାଳିକା ଝିଅଙ୍କୁ ଅପହରଣ କରି ତାଙ୍କ ସହ ଅସଦାଚରଣ କରୁଥିବା ନେଇ ଥାନାରେ ଅଭିଯୋଗ କରିଛନ୍ତି ଗ୍ରାମବାସୀ । ଅପହୃତ ଯୁବତୀଙ୍କୁ ନ୍ୟାୟ ଦେବା ସହ ଭଣ୍ଡ ତାନ୍ତ୍ରିକ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବୀ ନେଇ ମାହାଙ୍ଗା ଥାନା ଘେରାଉ କରିଛନ୍ତି କୋଳିଅଠା ଗ୍ରାମବାସୀ ।