Before Header

ଜୀବନ ନେଉଛି ଅଜଣା ରୋଗ

0 90

ପଡ଼ିଆ (ବଡ଼ ଖବର ବ୍ୟୁରୋ): ଆତଙ୍କ ଖେଳାଇଛି ଅଜଣା ରୋଗ । ଅକାଳରେ ଗଡ଼ୁଛି ମୁଣ୍ଡ । ପଡ଼ିଆ ବ୍ଲକରୁ ଆସିଛି ଏଭଳି ଦୁଃଖଦ ଖବର । ଅଜଣା ରୋଗରେ ଆକ୍ରାନ୍ତ ହୋଇ ୯ଜଣଙ୍କ ଜୀବନ ଗଲାଣି । ନୀଲିଗୁଡ଼ାର ୫ଜଣଙ୍କ ଜୀବନ ଯାଇଥିବା ବେଳେ ଭେଞ୍ଚନପାଲ୍ଲୀ ଓ ବାପନପଲ୍ଲୀ ଅଞ୍ଚଳର ମଧ୍ୟ ୪ଜଣଙ୍କ ମୃତ୍ୟୁ ହୋଇଛି । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଆତଙ୍କ ଲାଗିରହିଛି ।

ଅଜଣା ରୋଗରେ କବଳିତ ହୋଇଥିିବା ଲୋକଙ୍କ ଶରୀର ଫୁଲିବାରେ ଲାଗୁଛି । ଲୋକେ ଖାଇବା, ପିଇବାରେ ମଧ୍ୟ କଷ୍ଟ ଅନୁଭବ କରୁଛନ୍ତି । ଆଦିବାସୀ ଅଞ୍ଚଳରେ ଚିକିତ୍ସାର ନଗ୍ନରୂପ ଅନୁଭବ ହେଉଛି । ସରକାରଙ୍କ ବହୁ ପ୍ରଚାରିତ ସ୍ୱାସ୍ଥ୍ୟସେବା ଏହି ଅଞ୍ଚଳର ଲୋକଙ୍କ ପାଇଁ ବର୍ତ୍ତମାନ ସମ୍ଭବ ହୋଇପାରିନି । ବାଧ୍ୟ ହୋଇ ସେମାନେ ଚେରମୂଳି ଓ ଗୁଣି ଗାରେଡି ଉପରେ ଭରଷା କରୁଛନ୍ତି । ଉପଯୁକ୍ତ ଚିକିତ୍ସା ଅଭାବରୁ ଗୋଟିଏ ପରେ ଗୋଟିଏ ଜୀବନ ଅକାଳରେ ଝଡିବାରେ ଲାଗିଛି । ସରକାରୀ ସହାୟତା କିମ୍ବା ଡାକ୍ତରୀ ଟିମ ଏଯାବତ ଗାଁରେ ପହଞ୍ଚି ନଥିବା ସ୍ଥାନୀୟ ଲୋକେ କହିଛନ୍ତି ।

ମୁକାଙ୍କ ପ୍ରଥମେ ଅଜଣା ରୋଗରେ ଆକ୍ରାନ୍ତ ହୋଇଥିଲେ । ତାଙ୍କର ହାତ, ଗୋଡ, ମୁହଁ ଓ ପେଟ ଫୁଲିବାରେ ଲାଗିଥିଲା । ପରିବାର ଲୋକେ ମେଡିକାଲ ନେବା ପରିବର୍ତ୍ତେ ଚେରମୂଳି ଖୁଆଇଥିଲେ । ଶେଷରେ ଚିକିତ୍ସାରେ ଅବହେଳା ହେବାରୁ ମୁକାଙ୍କ ମୃତ୍ୟୁ ହୋଇଥିଲା । ପରବର୍ତ୍ତୀ ସମୟରେ ଗାଁର ଗଙ୍ଗା ବାଟା, ଯୋଗେନ୍ଦ୍ର ବାଟା, ବାଟା ଗଙ୍ଗା ପ୍ରମୁଖ ଅଜଣା ରୋଗରେ ଆକ୍ରାନ୍ତ ହୋଇ ଜୀବନ ହରାଇଛନ୍ତି । ଏବେ ୫୭ ବର୍ଷୀୟା ବେକ ମୁକେ, ସୋମା ମାଡି, ଗଙ୍ଗା କାରାମ ଓ ଇର୍ମା ମାଡି ଏହି ଅଜଣା ରୋଗରେ ଆକ୍ରାନ୍ତ ହୋଇ ମରଣ ସହ ଲଢ଼େଇ କରୁଛନ୍ତି । ସରକାରୀ ସହାୟତା କିମ୍ବା ସ୍ୱାସ୍ଥ୍ୟସେବା ଯୋଗାଇ ଦେଲେ ଏମାନେ ସୁସ୍ଥ ହୋଇ ଯାଆନ୍ତେ ବୋଲି କହିଛନ୍ତି ସ୍ଥାନୀୟ ଲୋକେ ।

Leave A Reply

Your email address will not be published.