ବଢୁଛି ମହାରାଷ୍ଟ୍ର ସଂକ୍ରମଣ

ମୁମ୍ବାଇ (ବଡ଼ ଖବର ବ୍ୟୁରୋ): କେରଳରେ କମିଲା ମହାରାଷ୍ଟ୍ରରେ ବଢିଲା । କରୋନା ସଂକ୍ରମଣ କେରଳରେ କମିବା ବେଳେ ଏବେ ମହାରାଷ୍ଟ୍ରରେ କାୟା ବିସ୍ତାର କରିବାରେ ଲାଗିଛି । ଗତକାଲି କେରଳ ସଂକ୍ରମଣ ଅନେକ ଦିନ ପରେ ୨୦ ହଜାର ତଳେ ରହିଥିଲା। କେରଳରେ ଦୈନିକ ପଜିଟିଭ ହାର ମଧ୍ୟ ୧୫ ପ୍ରତିଶତକୁ ଖସି ଆସିଛି। କିନ୍ତୁ ମହାରାଷ୍ଟ୍ରରେ ସଂକ୍ରମଣ ବଢ଼ିଛି। ମଙ୍ଗଳବାର ମହାରାଷ୍ଟ୍ରରେ ୨୦ ପ୍ରତିଶତ ଅଧିକ ସଂକ୍ରମଣ ବୃଦ୍ଧି ହୋଇଛି।

ଟେଷ୍ଟିଂ ଅଧିକ ହୋଇଥିବାରୁ ସଂକ୍ରମଣ ମାମଲା ଅଧିକ ରହିଛି ବୋଲି କୁହାଯାଉଛି। ସୋମବାର ମହାରାଷ୍ଟ୍ରରେ ୨,୭୪୦ ନୂଆ ମାମଲା ଥିବାବେଳେ ମଙ୍ଗଳବାର ୩,୫୩୦ ମାମଲା ରହିଛି। ମୃତ୍ୟୁ ମଧ୍ୟ ୨୭ରୁ ୫୨କୁ ବୃଦ୍ଧି ପାଇଛି। ମୁମ୍ବାଇରେ ମଧ୍ୟ ସଂକ୍ରମଣ ବଢ଼ିଛି। ମୁମ୍ବାଇରେ ଗତ ୨୪ ଘଣ୍ଟାରେ ୩୬୭ ମାମଲା ଚିହ୍ନଟ ହୋଇଛି।