ଜେଇ ମେନ ଟପ୍ପର ଗୌତମ ଦାସ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଜେଇ ମେନ ପରୀକ୍ଷାରେ ଟପ୍ପର ହେଲେ ଗୌତମ ଦାସ । ଓଡ଼ିଶାରେ ପ୍ରଥମ ସ୍ଥାନ ଗ୍ରହଣ କରିଛନ୍ତି ଗୌତମ । ସର୍ବଭାରତୀୟ ସ୍ତରରେ ୨୮ ତମ ସ୍ଥାନରେ ରହିଛନ୍ତି ମେଧାବୀ ଛାତ୍ର ଗୌତମ । ଜେଇ ମେନରେ ୯୯.୯୯୯ରୁ ଅଧିକ ପରସେଂଟାଇଲ ରଖିଛନ୍ତି । ବାଲେଶ୍ୱରର ମାଣିକଖମ୍ବ ସରସ୍ୱତୀ ଶିଶୁମନ୍ଦିରରୁ ଦଶମ ପାସ ପରେ ସାଇ ଇଣ୍ଟରନେସନାଲ ସ୍କୁଲରେ ଯୁକ୍ତ ୨ ପଢୁଥିଲେ ଗୌତମ ।

ଗୌତମ କହିଛନ୍ତି, ବାପା ମାଆଙ୍କ ଆଶୀର୍ବାଦ ଓ ସବୁବେଳେ ସମର୍ଥନ ଯୋଗାଇ ଆସିଥିବାରୁ ସେ ଏହି ସଫଳତା ପାଇଛନ୍ତି । କ୍ଲାସରେ ମନଧ୍ୟାନ ଦେଇ ପାଠ ବୁଝିଥିଲେ, ଏଭଳି ଫଳ ମିଳିବ ବୋଲି ସେ କହିଛନ୍ତି । ଜେଇ ମେନର ସଫଳତା ପରେ ଜେଇ ଆଡଭାନ୍ସ ପାଇଁ ପ୍ରସ୍ତୁତି ଜାରି ରଖିଛନ୍ତି ଗୌତମ । ରାଜ୍ୟ ଟପର ହୋଇଥିବାରୁ ବହୁତ ଖୁସି ଲାଗୁଛି ।