‘ମମତା ବାନାର୍ଜୀ ପଶ୍ଚିମବଙ୍ଗରେ ଗଣତନ୍ତ୍ରକୁ ପରିହାସ କରିଛନ୍ତି’
କୋଲକାତା (ବଡ଼ ଖବର ବ୍ୟୁରୋ): ପଶ୍ଚିମବଙ୍ଗ ପଞ୍ଚାୟତ ନିର୍ବାଚନରେ ଘଟିଥିବା ହିଂସାକୁ ନେଇ ଆରମ୍ଭ ହୋଇଛି ବୟାନବାଜି । ହିଂସାକୁ ନେଇ ବିଜେପି ଓ ଟିଏମସି ଭିତରେ ଆରମ୍ଭ ହୋଇଛି କଥାକଟାକଟି । ଟିଏମସି ଅଭିଯୋଗ କରିଛି ଯେ ବିଜେପି ବୁଥ କ୍ୟାପଚରିଂର ଭୁଲ ଖବର ପ୍ରଚାର କରୁଛି। ଶନିବାର ପଞ୍ଚାୟତ ନିର୍ବାଚନ ସମୟରେ ପଶ୍ଚିମବଙ୍ଗର ୭ ଜିଲ୍ଲାରେ ହିଂସାକାଣ୍ଡ ଘଟିଥିଲା ଯେଉଁଥିରେ ଅଗ୍ନିକାଣ୍ଡ, ଗୁଳି ବିନିମୟ ଭଳି ଘଟଣା ଘଟିଥଲା।
TMC’s change ‘Ballot Box’ operation caught in Malda. @khagen_murmu https://t.co/b0cTrVd10Y pic.twitter.com/9jy0vsFczP
— Amit Malviya (@amitmalviya) July 9, 2023
ରାଜ୍ୟରେ ଉତ୍ତେଜନା ଏବଂ ଅଶାନ୍ତି ମଧ୍ୟରେ ରାଜନୈତିକ ଦଳମାନେ ପରସ୍ପରକୁ ଦୋଷ ଦେବାରେ ବ୍ୟସ୍ତ ଅଛନ୍ତି। ବିଜେପିର ଆଇଟି ସେଲର ମୁଖ୍ୟ ଅମିତ ମାଲଭିୟ ମମତା ବାନାର୍ଜୀ ସରକାରଙ୍କୁ ଦାୟୀ କରି ଅନେକ ଟୁଇଟ କରିଛନ୍ତି। ସେ ଏକ ଟୁଇଟରେ କହିଛନ୍ତି ଯେ ମମତା ବାନାର୍ଜୀ ପଶ୍ଚିମବଙ୍ଗରେ ଗଣତନ୍ତ୍ରକୁ ପରିହାସ କରିଛନ୍ତି। ମାଲଭିୟ ଆହୁରି କହିଛନ୍ତି ଯେ ମତଦାନ ପରେ ବିଳମ୍ବିତ ରାତିରେ ଟିଏମସି ବୁଥକୁ କାବୁ କରିଥିଲା, ଯେଉଁଠାରେ ସିସିଟିଭି କ୍ୟାମେରା କିମ୍ବା ସୁରକ୍ଷା କର୍ମୀ ନ ଥିଲେ।
