ପ୍ରଧାନମନ୍ତ୍ରୀଙ୍କ ନିକଟକୁ ଆମ୍ବ ପଠାଇଲେ ମମତା

କୋଲକତା(ବଡ଼ ଖବର ବ୍ୟୁରୋ) : ବିଧାନସଭା ର୍ନିବାଚନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ତିକ୍ତ ସମ୍ପର୍କ ସମସ୍ତଙ୍କୁ ଜଣା । ହେଲେ ରାଜନୈତିକ ମତଭେଦ ଏବଂ ଲଢେଇ ମଧ୍ୟରେ ମମତା ପ୍ରଧାନମନ୍ତ୍ରୀଙ୍କ ନିକଟକୁ ବଙ୍ଗଳାର ପ୍ରସିଦ୍ଧ ଲଙ୍ଗଡ଼ା-ହିମସାଗର ଏବଂ ଲଷ୍ମଣ ଭୋଗ ଆମ୍ବ ପଠାଇଛନ୍ତି ।

ଏହି ଆମ୍ବ ରାଜ୍ୟସରକାରଙ୍କ ତରଫରୁ ଦିଲ୍ଲୀସ୍ଥିତ ବଙ୍ଗ ଭବନକୁ ପଠାଯାଇଛି। ସେଠାରୁ ଏହି ଉପହାର ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ, କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧିଙ୍କ ସମେତ ଅନ୍ୟ କେତେକ ନେତା ଓ ମନ୍ତ୍ରୀଙ୍କ ନିକଟକୁ ଯିବ । ସୂଚନା ଅନୁସାରେ, ପ୍ରତିବର୍ଷ ମମତା ବଙ୍ଗଳାର ଏହି ପ୍ରସିଦ୍ଧ ଆମ୍ବ ଦିଲ୍ଲୀର ନେତା, ମନ୍ତ୍ରୀମାନଙ୍କ ନିକଟକୁ ଉପହାର ସ୍ୱରୂପ ପାଠାଇଥାଆନ୍ତି ।