ନୂଆ ସଂସଦ ଭବନର ଶ୍ରୀଗଣେଶ, ପୁରୁଣା ସଂସଦ ଭବନ ସମ୍ବିଧାନ ସଦନ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଆଜିଠୁ ନୂଆ ସଂସଦ ଭବନରେ କାର୍ଯ୍ୟ ଦିବସ ଆରମ୍ଭ ହୋଇଛି । ଏହା ପୂର୍ବରୁ ପୁରୁଣା ସଂସଦ ଭବନରେ ଶେଷ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ସଂସଦର ସେଣ୍ଟ୍ରାଲ ହଲ ସାମ୍ନାରେ ଫଟୋ ସେସନ ପରେ ପୁରୁଣା ସଂସଦ ଭବନ ସେଣ୍ଟ୍ରାଲ ହଲରେ ସ୍ୱତନ୍ତ୍ର କାର୍ଯକ୍ରମ ଅନୁଷ୍ଠିତ ହୋଇଛି । ଗଣେଶ ଚତୁର୍ଥୀର ଶୁଭେଚ୍ଛା ଜଣାଇବା ସହ କାର୍ଯ୍ୟକ୍ରମକୁ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ ।

ଆଜି ନୂଆ ସଂସଦ ଭବନର ଶ୍ରୀ ଗଣେଶ । ଆଜି ଆମେ ବିକଶିକ ଭାରତର ସଂକଳ୍ପକୁ ରିପିଟ କରିବା ଓ ପୁଣିଥରେ ସଂକଳ୍ପ ବଦ୍ଧ ହେବା । ଏବଂ ଏହାକୁ ପରିପୂର୍ଣ୍ଣ କରିବାକୁ ନୂଆ ସଂସଦ ଭବନରେ ପ୍ରସ୍ଥାନ କରିବାକୁ ଯାଉଛୁ ବୋଲି ସମ୍ବୋଧନରେ କହିଛନ୍ତି ପ୍ରଧାନମନ୍ତ୍ରୀ । ଭାରତର ସ୍ୱପ୍ନକୁ ସାକାର କରିବାକୁ ସଦସ୍ୟଙ୍କୁ ଆହ୍ୱାନ କରିଛନ୍ତି ପ୍ରଧାନମନ୍ତ୍ରୀ । ଆଜିଠୁ ପୁରୁଣା ସଂସଦ ଭବନ ସମ୍ବିଧାନ ସଦନ ହେବାକୁ ପରାମର୍ଶ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।