ମଣିପୁର ହିଂସା: ମୃତକଙ୍କ ପରିବାରକୁ ଚାକିରି ସହ ୧୦ ଲକ୍ଷ ସହାୟତା
ଇମ୍ଫାଲ (ବଡ଼ ଖବର ବ୍ୟୁରୋ): ଜଳୁଛି ମଣିପୁର । ହିଂସା ଥମିବାର ନା ନେଉନାହିଁ । ମଣିପୁରରେ ଶାନ୍ତି ଫେରାଇ ଆଣିବାକୁ ଯଥା ସମ୍ଭବ ଚାଲିଛି ଚେଷ୍ଟା । ହିଂସାରେ କେତେକଙ୍କ ମୃତ୍ୟୁ ହୋଇଥିବା ବେଳେ ଆଉ କେତେଜଣ ଆହତ ବି ହୋଇଛନ୍ତି। ଏବେ କେନ୍ଦ୍ର ଓ ମଣିପୁର ସରକାର ପୀଡ଼ିତ ପରିବାର ପାଇଁ ସହାୟତା ଯୋଗାଇ ଦେବାକୁ ବଡ଼ ଘୋଷଣା କରିଛନ୍ତି।
ଏହି ସଂଘର୍ଷରେ ମୃତ୍ୟୁ ହୋଇଥିବା ବ୍ୟକ୍ତିଙ୍କ ପରିବାରକୁ ୧୦ ଲକ୍ଷ ଟଙ୍କାର ଅନୁକମ୍ପା ରାଶି ପ୍ରଦାନ କରିବାକୁ ଘୋଷଣା କରିଛନ୍ତି। ଏହାସହ ହିଂସାରେ ମୃତ୍ୟୁ ହୋଇଥିବା ବ୍ୟକ୍ତଙ୍କ ପରିବାରର ଜଣେ ସଦସ୍ୟଙ୍କୁ ବି ଚାକିରି ଦିଆଯିବ। ଅଧିକାରୀମାନେ କହିଛନ୍ତି କି ଅନୁକମ୍ପା ରାଶି କେନ୍ଦ୍ର ସରକାର ଓ ରାଜ୍ୟ ସରକାର ସମାନ ଭାବେ ବହନ କରିବେ।
