ମଣିପୁର ହିଂସା, ୩ ମୃତ

ମଣିପୁର (ବଡ଼ ଖବର ବ୍ୟୁରୋ): ଥମିବାର ନାଁ ନେଉନି ମଣିପୁର ହିଂସା । କିଛିଦିନର ନୀରବତା ପରେ ମଣିପୁରରେ ପୁଣି ଦେଖାଦେଇଛି ହିଂସାକାଣ୍ଡ । ଶୁକ୍ରବାର ହିଂସା ଯୋଗୁ ୩ ଜଣଙ୍କ ମୃତ୍ୟୁ ହୋଇଛି।ରାଜ୍ୟରେ ‌ମୋଟ ୧୦୫ ଜଣ ଲୋକ ମୃତ୍ୟୁବରଣ କରିବା ସହ ୪୦ ହଜାର ଲୋକଙ୍କୁ ଅନ୍ୟତ୍ର ସ୍ଥାନାନ୍ତର କରାଯାଇଛି। କୁକି ବହୁଳ କଙ୍ଗପୋକ୍‌ପି ଜିଲ୍ଲା ଏବଂ ମେଇତି ବହୁଳ ଇମ୍ଫାଲ ଇଷ୍ଟ ଜିଲା ସୀମାବର୍ତ୍ତୀ ଖୋକେନ ଗ୍ରାମରେ ହିଂସା ଉପୁଜି ୩ ଜଣଙ୍କ ମୃତ୍ୟୁ ହେବା ସହ ଜଣେ ଆହତ ହୋଇଛନ୍ତି।

ପୋଲିସ ଅଧିକାରୀଙ୍କ ସୂଚନା ଅନୁଯାୟୀ ୨ଜଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ଅନ୍ୟ ଜଣଙ୍କର ହସ୍ପିଟାଲରେ ମୃତ୍ୟୁ ହୋଇଛି। ମଣିପୁର ହିଂସା ଘଟଣାରେ ସିବିଆଇ ଏକ ଏସଆଇଟି ଟିମ ଗଠନ କରିଛି । ଏହା ସହ ଘଟଣାରେ ୬ ଟି ମାମଲା ରୁଜୁ ହୋଇଥିବା ନେଇ ସିବିଆଇ ଅଧିକାରୀଙ୍କ ପକ୍ଷରୁ ସୂଚନା ଦିଆଯାଇଛି ।