ଜେଲ ଗଲେ ପାଗଳ ପ୍ରେମୀ

ଭୁବନେଶ୍ୱର,(ବଡ଼ ଖବର ବ୍ୟୁରୋ) : ଏକତରଫା ପ୍ରେମରେ ବିଫଳ ହୋଇ ହତାଶ ଯୁବକ ଜଣକ ପ୍ରେମିକଙ୍କୁ ହତ୍ୟା ଧମକ ଦେବା ଅଭିଯୋଗରେ ଗିରଫ ହୋଇଛନ୍ତି । ଏଭଳି ଘଟଣା ଦେଖିବାକୁ ମିଳିଛି ଖୋଦ ରାଜଧାନୀ ଭୁବନେଶ୍ୱରରେ । ଗିରଫ ପ୍ରେମିକ ଜଣଙ୍କ ହେଲେ ସୁଦନ ଓରଫ ସୁଦର୍ଶନ ସାହୁ(୩୫) । ସୁଦର୍ଶନ ଏଚଆଇଜି ବିଡ଼ିଏ କଲୋନୀରେ ରହୁଥିବା ସୋନାଲୀ (ଛଦ୍ମନାମ) ନାମକ ଜଣେ ଯୁବତୀଙ୍କୁ ଏକତରଫା ପ୍ରେମ କରୁଥିଲେ । ଅନେକ ସମୟରେ ଯୁବତୀଙ୍କୁ ବାଟଘାଟରେ ପ୍ରେମ ନିବେଦନ କରିଆସୁଥିଲେ । ଏପରିକି ବିବାହ ନକଲେ ଜୀବନରେ ମାରିଦେବାକୁ ଧମକ ଦେଉଥିଲେ । ଯୁବକଙ୍କ ଏଭଳି ବ୍ୟବହାରରେ ଅତିଷ୍ଠ ହୋଇ ଯୁବତୀ ଜଣକ ଏୟାରଫିଲ୍ଡ ଥାନାରେ ଅଭିଯୋଗ କରିଥିଲେ । ପୋଲିସ ଏ ନେଇ ଏକ ମାମଲା ରୁଜୁ କରି ହତାଶ ସୁଦନଙ୍କୁ ଘରୁ ଉଠାଇ ଆଣି ପଚାରାଉଚରା କରିବା ସହିତ କୋର୍ଟଚାଲାଣ କରିଛି । ଜାମିନ ନାମଞ୍ଜୁର ପରେ ତାଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି ।