ତୁଷୁରା (ବଡ଼ ଖବର ବ୍ୟୁରୋ): ବଲାଙ୍ଗୀର ଜିଲ୍ଲା ତୁଷୁରା ଏନଏସିର ୫ନଂ ୱାର୍ଡରେ ରହନ୍ତି ଗୌର ଛତ୍ରିଆ । ଜୀବନ ଅଧାଅଧୀ କଟିଲାଣି ଦାରିଦ୍ରରେ । ପରିବାର କହିଲେ ସ୍ତ୍ରୀ ସୁନିତୀ ଆଉ ପୁଅ ମୋହିତ । ପୁଅର ଜନ୍ମକୁ ନେଇ ଗୌର ଖୁସି ହେବେ କଣ ଦୁଃଖର ପାହାଡ ମୁଣ୍ଡାଇ ଚାଲଛନ୍ତି ୪ ବର୍ଷ ହେଲା । ଗୌର ଓ ସୁନିତିଙ୍କ ବାର୍ଦ୍ଧକ୍ୟରେ ପୁଅ ସାହାରା ହେବ କଣ  ବରଂ ଏବେ ଠୁ ସେମାନେ ପୁଅର ସାହାରା ପାଲଟିଛନ୍ତି । ୪ ବର୍ଷର ଭିନ୍ନକ୍ଷମ ପୁଅ ମୋହିତ ଲାଗି ଘରର ସୁନା, ଗହଣା,ଜମି ବାଡ଼ି ସବୁ ବନ୍ଧା ରଖି ସାରିଲେଣୀ । ଏପରି କି ସାହିପଡିଶା ଓ ବନ୍ଧୁ ବାନ୍ଧବଙ୍କ ଠାରୁ ହାତ ଉଦ୍ଧାରି କରିଛନ୍ତି ଗୌର । ହେଲେ ଏଯାଏ ପୁଅ ରୋଗ ଭଲ ହେଉନି । ଭୁବନେଶ୍ୱର ନେଇ ଦେଖାଇଥିଲେ ବି କିଛି ସୁଫଳ ମିଳିନି । ଜନ୍ମରୁ ସେ ଶଯ୍ୟାଶାୟୀ । ଖେଳ କୁଦ ବୟସରେ ଜୀବନ ସହିତ ସଂଗ୍ରାମ କରୁଛି । ପୁଅର ଚିକିତ୍ସା ପାଇଁ ବଲାଙ୍ଗିର, ବୁର୍ଲା, ଭୁବନେଶ୍ୱରରୁ ଫେରିଲେଣୀ ଗୌର । ହେଲେ କିଛି ସୁଫଳ ମିଳିନି । ଉଚ୍ଚତର ଚିକିତ୍ସା ଲାଗି ଦରକାର ବିପୁଳ ଟଙ୍କା । ସରକାର ଯଦି ଗୌରଙ୍କ ଦୁଃଖ ବୁଝନ୍ତେ ତେବେ ପିଲାଟାର ଚିକିତ୍ସା ହୋଇପାରନ୍ତା ବୋଲି ପଡୋଶୀ କହିଛନ୍ତି । ମୋହିତଙ୍କ ସମ୍ପର୍କରେ ମୁନସିପାଲ୍ଟି ଇଓଙ୍କୁ କହିିବାରୁ ସରକାରୀ ନିୟମାନୁସାରେ ସହାୟତା ଯୋଗାଇ ଦେବାକୁ ସେ ପ୍ରତିଶୁତି ଦେଇଛନ୍ତି ।

Leave a Reply

Your email address will not be published. Required fields are marked *