ସମ୍ବଲପୁର(ବଡ଼ ଖବର ବ୍ୟୁରୋ): ସମ୍ବଲପୁରରେ ସନ୍ଧ୍ୟା ସୁଦ୍ଧା ମିଳିବ ମୋବାଇଲ ଇଣ୍ଟରନେଟ୍ ସେବା । ଏନେଇ ସୂଚନା ଦେଇଛନ୍ତି ଜିଲ୍ଲାପାଳ ଅନନ୍ୟା ଦାସ । ସନ୍ଧ୍ୟା ୬ଟାରେ ମୋବାଇଲ ଇଣ୍ଟରନେଟ୍ ସେବା ଉପଲବ୍ଧ ହେବ । ୯ଦିନ ପରେ ଜିଲ୍ଲାରେ ଇଣ୍ଟରନେଟ୍ ସେବା ସ୍ୱାଭାବିକ ହେବ । ଏ ନେଇ ଜିଲ୍ଲାପାଳ ଅନନ୍ୟା ଦାସ ସୂଚନା ଦେଇଛନ୍ତି । ପୂର୍ବରୁ ବ୍ରଜବ୍ୟାଣ୍ଡ ଓ ଲିଜଲାଇନ୍ ସେବା ଉପଲବ୍ଧ ଅଛି । ତେବେ ଗତ ୧୩ ତାରିଖରୁ ଇଣ୍ଟନେଟ୍ ସେବା ବନ୍ଦ ଥିଲା ।
ଗତକାଲି ରାତିରେ ଜିଲ୍ଲା ପ୍ରଶାସନ ଆଉ ଦୁଇ ଘଣ୍ଟା କର୍ଫ୍ୟୁ କୋହଳ କରିଛି । ସକାଳ ପାଞ୍ଚ ଟା ରୁ ସନ୍ଧ୍ୟା ସାତଟା ପର୍ୟ୍ୟନ୍ତ କର୍ଫ୍ୟୁ କୋହଳ ହୋଇଛି । ଘଟଣାରେ ଅନେକ ଅପରାଧୀ ଏବେବି ଫେରାର ରହିଥିବାରୁ ପୋଲିସ ପାଇଁ ମୁଣ୍ଡବ୍ୟଥା ର କାରଣ ସାଜିଛି । ଇଦ ପର୍ବ ପାଇଁ ସାରା ସହର ପୋଲିସ ଛାଉଣୀ ରେ ଭର୍ତ୍ତି ହୋଇଛି । ପ୍ରଶାସନ ନିର୍ଦ୍ଧାରିତ କରିଥିବା ନୀତି ନିୟମ ଅନୁସାରେ ସମ୍ବଲପୁର ସହରରେ ପାଳନ କରାଯାଉଛି ଇଦ ।
