ଓଡ଼ିଶା ଆସୁଛନ୍ତି ମୋହନ ଭାଗବତ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଓଡ଼ିଶା ଆସୁଛନ୍ତି ରାଷ୍ଟ୍ରୀୟ ସ୍ବୟଂସେବକ ସଂଘ ମୁଖ୍ୟ ମୋହନ ଭାଗବତ । ୫ ଦିନିଆ ଓଡ଼ିଶା ଗସ୍ତରେ ଆସିବେ ସଂଘ ମୁଖ୍ୟ । ଆଜି ସଂଧ୍ୟାରେ ଭାଗବତ ଭୁବନେଶ୍ବରରେ ପହଞ୍ଚିବେ ବୋଲି ଜଣାପଡିଛି । ଓଡ଼ିଶା ଗସ୍ତ ସମୟରେ ରାଜ୍ୟରେ ସାଂଗଠନିକ ସ୍ଥିତି ସମ୍ପର୍କରେ ଆରଏସଏସ ନେତାଙ୍କ ସହ ଆଲୋଚନା କରିବେ ଭାଗବତ। ଏହାପରେ ସେ ପୁରୀ ଗସ୍ତରେ ଯିବେ ।

ଶ୍ରୀକ୍ଷେତ୍ର ଯାଇ ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନ କରିବେ ସଂଘ ମୁଖ୍ୟ । ଏହାସହିତ ଅଗଷ୍ଟ ୨୬ରେ ଗୋବର୍ଦ୍ଧନ ପୀଠରେ ଆଦି ଶଙ୍କରାଚାର୍ୟ୍ୟ ନିଶ୍ଚଳାନନ୍ଦ ସରସ୍ବତୀଙ୍କୁ ଭେଟିବେ ଭାଗବତ । ଅନ୍ୟପକ୍ଷେ ଆରଏସଏସ ପକ୍ଷରୁ କୋଭିଡ କ୍ଷେତ୍ରରେ ଯୋଗାଇ ଦିଆଯାଉଥିବା ସେବାର ମଧ୍ୟ ସେ ସମୀକ୍ଷା କରିବେ ।