ଦୁଇ ପ୍ରକଳ୍ପର ଶିଳାନ୍ୟାସ କଲେ ସାଂସଦ ଓ ବିଧାୟକ

ବାହାନଗା (ବଡ଼ ଖବର ବ୍ୟୁରୋ): ବାଲେଶ୍ୱର ଜିଲ୍ଲା ବାହାନଗା ବ୍ଲକ ଅଞ୍ଚଳରେ ଆଜି ଦୁଇଟି ପ୍ରକଳ୍ପର ଶିଳାନ୍ୟାସ କରିଛନ୍ତି ଭଦ୍ରକ ସାଂସଦ ମଞ୍ଜୁଲତା ମଣ୍ଡଳ ଓ ସୋର ବିଧାୟକ ପର୍ଶୁରାମ ଧଡ଼ା। ବାହାନଗା ବ୍ଲକର ଲାଇଫଲାଇନ କୁହାଯାଉଥିବା ବାଲେଶ୍ୱର-ଧାମରା ଲୁଣାବନ୍ଧ ରାସ୍ତାର ଚିତ୍ତଳ ପଞ୍ଚାୟତ ଘୁଷୁରା ନିକଟରେ ପ୍ରବାହିତ କୋଚିଆକୋଇଲି ନାଳ ଉପରେ ପ୍ରସ୍ତାବିତ ସେତୁ ଶିଳାନ୍ୟାସ କରାଯାଇଛି। ଏଥିପାଇଁ ପୂର୍ତ୍ତ ବିଭାଗ ପକ୍ଷରୁ ୫୯୨.୯୧ ଲକ୍ଷ ଟଙ୍କା ବ୍ୟୟ ଅଟକଳ କରାଯାଇଛି। ସେହିପରି ଗୋପାଳପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରିସରରେ ପୂର୍ତ୍ତବିଭାଗ ଦ୍ୱାରା ୩୩.୬୩ ଲକ୍ଷ ଟଙ୍କା ବ୍ୟୟ ଅଟକଳରେ ନିର୍ମାଣ ହେବାକୁ ଥିବା ପ୍ରସୂତି ଗୃହର ଶିଳାନ୍ୟାସ କରିଛନ୍ତି ସାଂସଦ ମଣ୍ଡଳ ଓ ବିଧାୟକ ଧଡ଼ା। କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ପୂର୍ବତନ ଧାମନଗର ବିଧାୟକ ମୁକ୍ତିକାନ୍ତ ମଣ୍ଡଳ, ପୂର୍ବତନ ସମିତିସଭ୍ୟ ଅଶ୍ୱିନୀ ମହାପାତ୍ର, ବ୍ଲକ ବିଜେଡି ସଭାପତି ଅଜୟ କୁମାର ପଣ୍ଡା, ରମାକାନ୍ତ ଦାଶ, ସରପଞ୍ଚ ଯୋଗେଶ ଚନ୍ଦ୍ର ପତି, ଶିଶିର କୁମାର ଅଗସ୍ତି, ଆରତୀ ଦଳେଇ, ସବିତା ଅଗସ୍ତି, ପ୍ରଭାକର ମିଶ୍ର, ବେଣୁଧର ଜେନା, ନୀଳାମ୍ବର ମହାଳିକ, ପୂର୍ତ୍ତବିଭାଗ ଯନ୍ତ୍ରୀ, କାର୍ଯ୍ୟନିର୍ବାହୀ ଯନ୍ତ୍ରୀ ପ୍ରମୁଖ ଉପସ୍ଥିତ ଥିଲେ।