ପ୍ରଦୂଷଣରେ ମୁମ୍ବାଇ ନଂ ୧
ମୁମ୍ବାଇ(ବଡ଼ ଖବର ବ୍ୟୁରୋ): ମୁମ୍ବାଇ ବିଶ୍ୱର ସବୁଠାରୁ ପ୍ରଦୂଷିତ ସହର । ଆଇକୁ୍ୟଆର ର୍ୟାଙ୍କିଂ ରିପୋର୍ଟ ଅନୁସାରେ ମୁମ୍ବାଇ ହେଉଛି ବିଶ୍ୱର ଦ୍ୱିତୀୟ ସର୍ବାଧିକ ପ୍ରଦୂଷିତ ସହର । ସ୍ୱିସ୍ ଏୟାର୍ ଟ୍ରାକିଂ ଇଣ୍ଡେକ୍ସ ଆଇକ୍ୟୁ ଏୟାର୍ ଅନୁସାରେ ଜାନୁଆରୀ ୨୯ରୁ ଫେବ୍ରୁଆରୀ ୮ ଭିତରେ ସାପ୍ତାହିକ ବିଶ୍ବ ରାଙ୍କିଂରେ ମୁମ୍ବାଇ ଥିଲା ବିଶ୍ୱର ଦ୍ୱିତୀୟ ସବୁଠାରୁ ପ୍ରଦୂଷିତ ମହାନଗରୀ। ଜାନୁଆରି ୨୯ରେ ଆଇକ୍ୟୁଏୟାର୍ ରାଙ୍କିଂରେ ମୁମ୍ବାଇ ୧୦ ନମ୍ବରରେ ଥିବା ବେଳେ ଫେବ୍ରୁଆରି ୨ ବେଳକୁ ଏହା ସବୁଠାରୁ ତଳକୁ ଅର୍ଥାତ୍ ୧ ନମ୍ବରକୁ ଖସିଯାଇଥିଲା। ତା’ ପର ସପ୍ତାହରେ ଫେବ୍ରୁଆରି ୮ରେ ଏହା ଗୋଟିଏ ସ୍ଥାନ ଉପରକୁ ଉଠି ଦ୍ବିତୀୟ ସ୍ଥାନରେ ପହଞ୍ଚିଛି।
ଫେବ୍ରୁଆରି ୧୩ ରେ ବାୟୁମାନ ଦୃଷ୍ଟିରୁ ମୁମ୍ବାଇ ଦିଲ୍ଲୀକୁ ପଛରେ ପକାଇ ବିଶ୍ବର ସବୁଠାରୁ ଅସ୍ୱାସ୍ଥ୍ୟକର ତୃତୀୟ ମହାନଗରୀରେ ପରିଣତ ହୋଇଥିଲା। ଦିଲ୍ଲୀ ଆଜିଯାଏ ଭାରତର ସବୁଠାରୁ ପ୍ରଦୂଷିତ ମେଟ୍ରୋ ତାଲିକାରେ ଶୀର୍ଷରେ ରହିଆସିଥିଲା। ଜାନୁଆରି ୨୯ରୁ ଫେବ୍ରୁଆରି ୮ ପର୍ୟ୍ୟନ୍ତ ସପ୍ତାହର ସବୁଠୁ ପ୍ରଦୂଷିତ ବିଶ୍ବର ପ୍ରଥମ ୧୦ଟି ସହର ହେଉଛନ୍ତି- ପାକିସ୍ତାନର ଲାହୋର, ଭାରତର ମୁମ୍ବାଇ, ଆଫଗାନିସ୍ତାନର କାବୁଲ, ତାଇୱାନର କାଓସିୟଙ୍ଗ, କିରଗିଜସ୍ତାନର ବିସକେକ୍, ଘାନାର ଆକ୍ରା, ପୋଲାଣ୍ଡର କ୍ରାକାଓ, କାତାରର ଦୋହା, କାଜାଖସ୍ତାନର ଅସ୍ତାନା, ଚିଲିର ସାଣ୍ଟିଆଗୋ ।