ବନ୍ଦ ଘରୁ ଯୁବକଙ୍କ ଖଣ୍ଡବିଖଣ୍ଡିତ ଗଳିତ ମୃତଦେହ ଉଦ୍ଧାର

ବଲାଙ୍ଗୀର(ବଡ଼ ଖବର ବ୍ୟୁରୋ): ଯୁବକଙ୍କୁ ବିଭିତ୍ସ ହତ୍ୟା । ମୁଣ୍ଡଗଣ୍ଡି ଅଲଗା । ବଲାଙ୍ଗୀର ଥାନା ସାଲେପାଲିରେ ବିଭତ୍ସକାଣ୍ଡ । ବନ୍ଦ ଘର ଭିତରୁ ଯୁବକଙ୍କ ଖଣ୍ଡବିଖଣ୍ଡିତ ଗଳିତ ମୃତଦେହ ଉଦ୍ଧାର କରାଯାଇଛି । ଗୋଡ଼, ହାତ, ମୁଣ୍ଡ କାଟି ପଲିଥିନରେ ଭର୍ତି କରାଯାଇଛି । ଏହି ହତ୍ୟାକାଣ୍ଡ ଯୋଜନାବନ୍ଧ କହିଛନ୍ତି ଏସଡିପ୍ଖସ ତୋଫାନ ବାଗ ।

ମାଜିଷ୍ଟ୍ରେଟଙ୍କ ଉପସ୍ଥିତିରେ କବାଟ ଭାଙ୍ଗି ଶବ ଉଦ୍ଧାର କରିଛି ପୋଲିସ । କିଛି ଦିନ ତଳେ ବାପା-ମାଆଙ୍କୁ ମାଡ଼ ମାରି ଆହତ କରିଥିଲା ମୃତକ ଜଣକ । ଆହତ ବାପା-ମା’ ଏବେ ବୁର୍ଲା ହସ୍ପିଟାଲରେ ଚିକିତ୍ସିତ ହେଉଛନ୍ତି । ପୋଲିସ ଖଣ୍ଡବିଖଣ୍ଡିତ ଶରୀରକୁ ଉଦ୍ଧାର କରି ତଦନ୍ତ ଚଳାଇଛି ।