ଗିରଫ ହେଲେ ନବରଙ୍ଗପୁର ଉପଜିଲ୍ଲାପାଳ, ୫ କୋଟିରୁ ଅଧିକ ସମ୍ପତ୍ତି ଠାବ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଗିରଫ ହେଲେ ନବରଙ୍ଗପୁର ଅତିରିକ୍ତ ଉପଜିଲ୍ଲାପାଳ ପ୍ରଶାନ୍ତ ରାଉତ । ଆୟ ବହିର୍ଭୂତ ସଂପତ୍ତି ଠୁଳ ଅଭିଯୋଗରେ ଗିରଫ କଲା ଭିଜିଲାନ୍ସ । ଗତ କାଲି ପ୍ରଶାନ୍ତଙ୍କ ଘରୁ ମିଳିଥିଲା ୩ କୋଟିରୁ ଅଧିକ ଟଙ୍କା । ଜବତ ଟଙ୍କାର କୌଣସି ହିସାବ ଦେଇ ପାରୁନାହାନ୍ତି ଉପଜିଲ୍ଲାପାଳ ପ୍ରଶାନ୍ତ । ଜେରା କରିବା ପରେ ଗିରଫ ହେଲେ ଉପଜିଲ୍ଲାପାଳ । ଉପଜିଲ୍ଲାପାଳଙ୍କର ୫କୋଟି ରୁ ଅଧିକ ସମ୍ପତ୍ତି ଠାବ ହୋଇଛି । ବହୁ ଲୋକଙ୍କ ନାମରେ ବେନାମୀ ଆକାଉଣ୍ଟ ଖୋଲି ଟଙ୍କା ଟ୍ରାଞ୍ଜାକ୍ସନ କରିଛନ୍ତି ପ୍ରଶାନ୍ତ । ଯେଉଁ ମାନଙ୍କ ନାମରେ ଆକାଉଣ୍ଟ ଖୋଲାହୋଇ ଥିଲା ସେମାନଙ୍କୁ ପଚରାଉଚରା ହେଉଛି ।

୫/୬ ଟି ବେନାମୀ ଆକାଉଣ୍ଟ ଠାବ କରିଛି ଭିଜିଲାନ୍ସ । ୫୦୦ ରୁ ଅଧିକ ପ୍ରତିଶତ ଆୟ ବହିର୍ଭୂତ ସମ୍ପତ୍ତି ଠାବ ହୋଇଛି । ଏହା ପୂର୍ବରୁ ୨୦୧୦ ରେ ଲାଞ୍ଚ ନେଇ ଧରା ପଡ଼ିଥିଲେ ଉପଜିଲ୍ଲାପାଳ ପ୍ରଶାନ୍ତ । ୨୦୧୮ ରେ ମଧ୍ୟ ଲାଞ୍ଚ ନେଇ ଧରା ପଡିଥିଲେ ପ୍ରଶାନ୍ତ, ଧରା ପଡିବା ପରେ ନିଲମ୍ବିତ ମଧ୍ୟ ହୋଇଥିଲେ । ସୁନ୍ଦରଗଡ଼ ର ବିଶ୍ରା ବ୍ଲକ ରେ ଏକ ଲକ୍ଷ ଟଙ୍କା ଲାଞ୍ଚ ନେଇ ଧରା ପଡିବା ପରେ ୨୦୧୮ ରୁ ୨୦୨୦ ପର୍ୟନ୍ତ ନିଲମ୍ବିତ ହୋଇଥିଲେ । ରାତି ଦୁଇଟା ପର୍ୟ୍ୟନ୍ତ ହୋଇଥିଲା ରେଡ । ୧୯୯୬ ରେ କେନ୍ଦ୍ରାପଡ଼ା ରେ ତହସିଲଦାର ଭାବେ କାମ କରୁଥିଲେ । ପରେ ପରେ ଯାଜପୁର, ବାଲେଶ୍ୱର, ବରଗଡ଼ ରେ ତହସିଲଦାର ଭାବେ କାମ କରୁଥିଲେ । ଯାଜପୁର, କଟକ, କେନ୍ଦ୍ରାପଡ଼ା, ସୁନ୍ଦରଗଡ଼ ରେ ବିଡ଼ିଓ ଭାବେ ମଧ୍ୟ କାମ କରିଛନ୍ତି ଉପଜିଲ୍ଲାପାଳ ପ୍ରଶାନ୍ତ ରାଉତ ।