ଗଞ୍ଜାମ ବିଜେପି ସଭାପତିଙ୍କ ନାଁ ଘୋଷଣା

ଗଞ୍ଜାମ (ବଡ଼ ଖବର ବ୍ୟୁରୋ): ଗଞ୍ଜାମ ବିଜେପି ସଭାପତିଙ୍କ ନାଁ ଘୋଷଣା । ଜିଲ୍ଲା ସଭାପତି ନାଁ ଘୋଷଣା କଲା ବିଜେପି । ସରୋଜ ସାବତ ହେଲେ ଗଞ୍ଜାମ ଜିଲ୍ଲା ସଭାପତି । ସର୍ବ ସହମତିରେ ସଭାପତି ନାଁ ଘୋଷଣା । ଗଞ୍ଜାମ ଜିଲ୍ଲା ସାଂଗଠନିକ ବିଜେପି ସଭାପତି ଭାବେ ଆଜି ସରୋଜ କୁମାର ସାବତଙ୍କ ନାମ ଘୋଷଣା କରାଯାଇଛି । ସରୋଜ ସାବତ ପୂର୍ବରୁ ବହୁ ରାଜ୍ୟସ୍ତରୀୟ ଓ ଜିଲ୍ଲା ସ୍ତରର ପଦପଦବୀରେ ଥିଲେ ।

ଆଜି ଜିଲ୍ଲା ସଭାପତି ଭାବେ ନାମ ଘୋଷଣା ପରେ ସରୋଜ କହିଛନ୍ତି ଜିଲ୍ଲା ର ସଂଘଠନ ମଜବୁତ୍ କରିବା ସହିତ ସରକାରଙ୍କ ବିଭିନ୍ନ ଯୋଜନା ଲୋକଙ୍କ ପାଖରେ ପହଞ୍ଚାଇବାକୁ ଚେଷ୍ଟା କରିବି। ଆଜି ବ୍ରହ୍ମପୁର ଗାନ୍ଧୀ ନଗର ସ୍ଥିତ ବିଜେପି କାର୍ଯ୍ୟଳୟରେ ଅନୁଷ୍ଠିତ କାର୍ଯ୍ୟକ୍ରମରେ ସାଂସଦ ପ୍ରଦୀପ ପାଣିଗ୍ରାହୀ ଓ ଅନେକ ବିଧାୟକ ଉପସ୍ଥିତ ଥିଲେ। ସରୋଜଙ୍କ ନାମ ଘୋଷଣା ପରେ ପ୍ରଦୀପ ପାଣିଗ୍ରାହୀ କହିଛନ୍ତି ଗଞ୍ଜାମ ଜିଲ୍ଲା ସମ୍ପୂର୍ଣ୍ଣ କମଳ ମୟ ହେବ।