ବଦଳିଲେ ଓପିଏସସି ସଚିବ

ଭୁବନେଶ୍ୱର(ବଡ଼ ଖବର ବ୍ୟୁରୋ): ରାଜ୍ୟ ପ୍ରଶାସନିକ ସ୍ତରରେ ଅଦଳବଦଳ, ବଦଳିଲେ ଓପିଏସସି ସଚିବ । ରାମଚନ୍ଦ୍ର ପାଲଟାଙ୍କୁ ମିଳିଛି ଓପିଏସସି ସଚିବ ଦାୟିତ୍ୱ । ସେହିଭଳି ପ୍ରମୋଦ ମିଶ୍ର ଉଚ୍ଚଶିକ୍ଷା ସ୍ୱତନ୍ତ୍ର ସଚିବ ହୋଇଥିବା ବେଳେ ଦେବବ୍ରତ ସାହୁଙ୍କୁ ମିଳିଛି ଗଂଜାମ ଏଡିଏମ ଦାୟିତ୍ୱ । ବିଶ୍ୱରଂଜନ ରଥ ହୋଇଛନ୍ତି ବିଡିଏ ଯୁଗ୍ମ କମିସନର । ସେହିପରି ଆସ୍କା ଚିନି କଳର ଏମଡି ହୋଇଛନ୍ତି ପ୍ରିୟରଂଜନ ପୃଷ୍ଟି । ଯାଜପୁରର ଏଡିଏମ ହୋଛନ୍ତି ଶୁଭେନ୍ଦ୍ର କୁମାର ସାମଲ ।

ଦିବ୍ୟଲୋଚନ ମହାନ୍ତ କଟକ ଜିଲ୍ଲା ଅବକାରୀ ଯୁଗ୍ମ କମିସନର ହୋଇଥିବା ବେଳେ ମଧୁସୂଦନ ବେହେରା ହୋଇଛନ୍ତି ଭୁବନେଶ୍ୱର ଉପଜିଲ୍ଲାପାଳ । ପ୍ରଶାସନିକ ଅଧିକାରୀ ସୂର୍ଯ୍ୟସ୍ମିତା ସାହୁଙ୍କୁ ମିଳିଛି ଓସିସିଏଲ ଦାୟିତ୍ୱ । ବଲାଙ୍ଗିର ଜିଲ୍ଲାପରିଷଦ ଅତିରିକ୍ତି ଏକଜିକୁ୍ୟଟିଭ ଅଫିସର ହୋଇଛନ୍ତି ତରଣୀ ସୁନା । ସେହିଭଳି ତାଳଚେର ପାଇଛି ନୂଆ ଉପଜିଲ୍ଲାପାଳ । ମନୋଜ ତ୍ରିପାଠୀଙ୍କୁ ମିଳିଛି ଦାୟିତ୍ୱ । ଭୁବନେଶ୍ୱର ବିଏମସିର ଡେପୁଟି କମିସନର ମଧ୍ୟ ବଦଳିଛନ୍ତି । ସ୍ୱାଗତ ଦାସ ହୋଇଛନ୍ତିବ ବିଏମସି ନୂଆ ଡେପୁଟି କମିସନର ।