https://youtube.com/live/Eihi6ENl1J4?feature=share
ସମ୍ବଲପୁର(ବଡ଼ ଖବର ବ୍ୟୁରୋ): ଦିନିକିଆ ସମ୍ବଲପୁର ଗସ୍ତରେ ଆସିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଜି ସମ୍ବଲପୁର ଆଇଆଇଏମର ନୂଆ କ୍ୟାମ୍ପସର ବିଧିବଦ୍ଧ ଭାବେ ଉଦ୍ଘାଟନ କରିଛନ୍ତି। ପୂର୍ବ ନିର୍ଦ୍ଧାରିତ କାର୍ୟ୍ୟକ୍ରମ ଅନୁଯାୟୀ ପ୍ରଥମେ ଝାରସୁଗୁଡ଼ା ବିମାନ ବନ୍ଦରରେ ପହଞ୍ଚିଥିଲେ। ସେଠାରେ ମୋଦିଙ୍କ ବିମାନ ଅବତରଣ କରିଥିଲା। ସେଠାରୁ ବାୟୁସେନାର ସ୍ୱତନ୍ତ୍ର ହେଲିକପ୍ଟର ଯୋଗେ ମୋଦି ଅପରାହ୍ନ ୧ଟା ୪୫ ମିନିଟ୍ରେ ସମ୍ବଲପୁରସ୍ଥିତ ଆଇଆଇଏମ କ୍ୟାମ୍ପସ୍ରେ ସେ ଅବତରଣ କରିଥିଲେ। ସେଠାରେ ସେ ୪୦୦ କୋଟିର ଆଇଆଇଏମ ସମ୍ବଲପୁରର ସ୍ଥାୟୀ କ୍ୟାମ୍ପସକୁ ଲୋକାର୍ପଣ କରିଛନ୍ତି ।
ଏହି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ରାଜ୍ୟପାଳ ରଘୁବର ଦାସ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ, ସ୍ଥାନୀୟ ସାଂସଦ, ବିଧାୟକ ଓ ଅନ୍ୟ କିଛି ମନ୍ତ୍ରୀ ଯୋଗ ଦେଇଥିଲେ । ରାଜ୍ୟରେ ବିକାଶରେ ପ୍ରାୟ ୭୦ ହଜାର କୋଟି ପ୍ରକଳ୍ପର ଉଦଘାଟନ ଶିଳାନ୍ୟାସ କରି ପ୍ରଧାନମନ୍ତ୍ରୀ କହିଥିଲେ ଯେ, ରାଜ୍ୟର ବିକାଶରେ ହିଁ ଦେଶର ବିକାଶ ହୋଇଥାଏ, ସେଥିପାଇଁ ସବୁବେଳେ କେନ୍ଦ୍ର ସରକାର ରାଜ୍ୟର ବିକାଶ କ୍ଷେତ୍ରରେ ଉପରେ ଗୁରୁତ୍ୱ ଦେଉଛନ୍ତି ।
ବିକାଶ କ୍ଷେତ୍ରରେ ଓଡ଼ିଶା ଯେଭଳି ମହତ୍ୱପୂର୍ଣ୍ଣ ସ୍ଥାନ ନେବ କେନ୍ଦ୍ର ସରକାର ପ୍ରୟାସ ଜାରି ରଖି ସହଯୋଗ ଦେଇଆସୁଛନ୍ତି । ଓଡିଶାକୁ କେନ୍ଦ୍ର ସରକାର ସବୁବେଳେ ମହତ୍ୱପୂର୍ଣ୍ଣ ସ୍ଥାନ ଦେଇଛନ୍ତି । ରାଜ୍ୟରେ ବିଗତ ୧୦ ବର୍ଷରେ ପେଟ୍ରୋଲିୟମ କ୍ଷେତ୍ରରେ ଦେଢ ଲକ୍ଷ କୋଟିର ପୁଞ୍ଜିନିବେଶ ହୋଇଛି । ବିଗତ ୧୦ ବର୍ଷରେ ୫୦ ହଜାର କିଲୋମିଟରର ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ଯୋଜନାରେ ସଡକ ନିର୍ମାଣ ହୋଇଛି । ୪ ହଜାର କିଲୋମିଟର ଜାତୀୟ ରାଜପଥ ନର୍ମାଣ ହୋଇଛି । ରେଳବାଇ କ୍ଷେତ୍ରରେ ୧୨ ଗୁଣା ଅଧିକ ଅନୁଦାନ ମିଳିଛି । କେନ୍ଦ୍ରର ଖଣିନୀତି ପରିବର୍ତ୍ତନ ଯୋଗୁଁ ଓଡିଶାକୁ ଅଧିକ ୧୦ଗୁଣା ଲାଭ ମିଳିଛି ।
