ନାସାର ମଙ୍ଗଳ ମିଶନ ସଫଳ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ନାସାର ମଙ୍ଗଳ ମିଶନ ସଫଳ । ଅନ୍ତରୀକ୍ଷରେ ନାସାକୁ ଐତିହାସିକ ସଫଳତା ମିଳିଛି । ମଙ୍ଗଳରେ ଅବତରଣ କରିଛି ନାସାର ମାର୍ସ ପର୍ସିଭରେନ୍ସ ରୋଭର । ୭ମାସର ଯାତ୍ରା ପରେ ରାତି ୨.୩୦ରେ ଅବତରଣ କରିଛି ଅନ୍ତରୀକ୍ଷ ଯାନ ରୋଭର । ଆମେରିକା ମହାକାଶ ଗବେଷଣା ସଂସ୍ଥା ପକ୍ଷରୁ ଏନେଇ ଟ୍ୱିଟ କରି ସୂଚନା ଦିଆଯାଇଛି ।
ରୋଭରର ଲ୍ୟାଣ୍ଡିଂକୁ ନେଇ ବୈଜ୍ଞାନିକ ମାନେ ଚିନ୍ତିତ ଥିବା ବେଳେ ସଫଳତା ପୂର୍ବକ ଲ୍ୟାଣ୍ଡ କରିଛି ରୋଭର । ନାସାର ଆଡମିନିଷ୍ଟ୍ରେଟର ଷ୍ଟିଭ ଜୁରଜିକ୍ ଟିମ୍କୁ ଶୁଭେଚ୍ଛା ଦେଇଛନ୍ତି । ଅନ୍ୟପଟେ ରୋଭର ମଙ୍ଗଳ ଗ୍ରହରେ ଲ୍ୟାଣ୍ଡ କରି ପ୍ରଥମ ଫଟୋ ପଠାଇଛି । ମଙ୍ଗଳରେ ଜୀବସତାର ଅନୁସନ୍ଧାନ କରିବ ଏହି ରୋଭର ।
Touchdown confirmed. The #CountdownToMars is complete, but the mission is just beginning. pic.twitter.com/UvOyXQhhN9
— NASA (@NASA) February 18, 2021
୬ ଚକିଆ ଏହି ରୋଭର ଯାନ ମଙ୍ଗଳ ଗ୍ରହରେ ଜୀବନର ସତ୍ତା ସନ୍ଧାନ କରିବ । ମଙ୍ଗଳ ଗ୍ରହରେ ଯେ ଯଦି କେବେ ବି ଜୀବନ ରହିଥିବ ତେବେ ଏହା ୩ରୁ ୪ ନିୟୁତ ବର୍ଷ ପୂର୍ବେ ରହିଥିବ ବୋଲି ନାସାର ବୈଜ୍ଞାନିକମାନେ ଅନୁମାନ କରୁଛନ୍ତି । ସେହି ସମୟରେ ମଙ୍ଗଳ ଗ୍ରହରେ ଜଳ ରହିଥିବା ଅନୁମାନ କରିଛନ୍ତି ବୈଜ୍ଞାନିକ । ଏହି ମିଶନ ଦ୍ୱାରା ବୈଜ୍ଞାନିକ ଗବେଷଣା ସହ ଦର୍ଶନ ଏବଂ ମହାକାଶ ଗବେଷଣା ନେଇ ଅଧିକ ତଥ୍ୟ ମିଳିପାରିବ ।