ନୱାବ ମଲିକଙ୍କ ନାଁରେ ୧୦୦ କୋଟି ଟଙ୍କା ମାନହାନୀ ମୋକଦ୍ଦମା
(ବଡ଼ ଖବର ବ୍ୟୁରୋ) ମନ୍ତ୍ରୀଙ୍କ ନାଁରେ ମାନହାନି ମୋକଦ୍ଦମା । ୧୦୦ କୋଟି ଟଙ୍କା ମାନହାନୀ ମୋକଦ୍ଦମା କଲେ ବିଜେପି ନେତା । ତେବେ ମହାରାଷ୍ଟ୍ର ମନ୍ତ୍ରୀ ନୱାବ ମଲିକଙ୍କ ନାଁରେ ମାମଲା ଦାୟର କରିଛନ୍ତି ବିଜେପି ନେତା ମୋହିତ କାମ୍ବୋଜ । ସୂଚନା ଅନୁଯାୟୀ ମୁମ୍ବାଇ ଡ୍ରଗ୍ସ ପାର୍ଟି ମାମଲାରେ ଶାହାରୁଖ ଖାନଙ୍କ ପୁଅ ଆର୍ୟନ ଖାନଙ୍କୁ ଜାମିନ ମିଳି ସାରିଛି । କିନ୍ତୁ ମହାରାଷ୍ଟ୍ରର ମନ୍ତ୍ରୀ ନୱାବ ମଲିକଙ୍କ ବୟାନବାଜୀ ଯୋଗୁଁ ଏହି ମାମଲା ଏେବେ ବି ଚର୍ଚ୍ଚାରେ ଅଛି ।
ଗତ କିଛି ଦିନ ତଳେ ନୱାବ ମଲିକ ବିଜେପି ନେତା ମୋହିତ କାମ୍ବୋଜ ଏବଂ ତାଙ୍କ ପରିବାର ବିରୋଧରେ କ୍ରମାଗତ ଭାବେ ଅଭିଯୋଗ ଆଣିଥିଲେ । ମୁମ୍ବାଇ ଡ୍ରଗ୍ସ ମାମଲାରେ ମଧ୍ୟ ତାଙ୍କ ପରିବାର ସଂପୃକ୍ତ ଥିବା କଥା ଉଠାଇଥିଲେ । ଏହି କାରଣରୁ ଅକ୍ଟୋବର ୯ରେ ମଲିକଙ୍କୁ ଏକ ନୋଟିସ ପଠାଇଥିଲେ ମୋହିତ କାମ୍ବୋଜ ।
ସେ କହିଥିଲେ ବିନା ପ୍ରମାଣରେ କାହାକୁ ବଦନାମ କରିବା ଭୁଲ ଅଟେ । କିନ୍ତୁ ଏହା ପରେ ବି ନୱାବ ମୋହିତଙ୍କ ପରିବାରକୁ ପୁଣି ଟାର୍ଗେଟ କରିଥିଲେ । ଏଥିରେ ରାଗିଯ୍ଧବ ବିଜେପି ନେତା ମୋହିତ ଏବେ ମଲିକଙ୍କ ବିରୋଧରେ ଆଇନଗତ କାର୍ଯ୍ୟନୁଷ୍ଠାନ ପାଇଁ ପ୍ରସ୍ତୁତ ହୋଇଛନ୍ତି । ନୱାବ ମଲିକଙ୍କ ବିରୋଧରେ ବମ୍ବେ ହାଇକୋର୍ଟରେ ୧୦୦ କୋଟି ଟଙ୍କାର ମାନହାନୀ ମୋକଦ୍ଦମା କରିଛନ୍ତି । ଏହା ସହ ମୁମ୍ବାଇ ପୋଲିସ ନିକଟରେ ସେ ମନ୍ତ୍ରୀଙ୍କ ନାଁରେ ଅଭିଯୋଗ ମଧ୍ୟ କରିଛନ୍ତି ।