ଏନସିପି ଭବିଷ୍ୟତରେ ଏନଡିଏ ସହ କାମ କରିବ: ପ୍ରଫୁଲ୍ଲ ପଟେଲ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଏନସିପି ବର୍ତ୍ତମାନ ବିରୋଧୀ ସାମ୍ମୁଖ୍ୟ ‘ଇଣ୍ଡିଆ’ ସହିତ ରହିବ ନା ଏହା ଏନଡିଏରେ ଯୋଗ ଦେବ । ଯାହାକୁ ନେଇ ଚାଲିଛି ଚର୍ଚ୍ଚା । ଏହି ପ୍ରଶ୍ନର ଉତ୍ତର ରଖିଛନ୍ତି ଏନସିପି ନେତା ପ୍ରଫୁଲ୍ଲ ପଟେଲ । କହିଛନ୍ତି ଏନସିପି ଜାତୀୟ ଗଣତାନ୍ତ୍ରିକ ମେଣ୍ଟର ଏକ ଅବିଚ୍ଛେଦ୍ୟ ଅଙ୍ଗ ଏବଂ ଭବିଷ୍ୟତରେ ତାଙ୍କ ଦଳ ଏନଡିଏ ସହ କାମ କରିବ। ମୁଁ ଏବଂ ଅଜିତ ପାୱାର ଅନ୍ୟ ରାଜନୈତିକ ଦଳ ସହ ଏନଡିଏ ବୈଠକରେ ଉପସ୍ଥିତ ଥିଲୁ।

ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଅଜିତ ପାୱାର ଏବଂ ସୁନୀଲ ତଟକରେଙ୍କ ସହ ପ୍ରଫୁଲ୍ଲ ପଟେଲ ମୁମ୍ବାଇର ଓ୍ବାଇବି ଚହ୍ବାନ ସେଣ୍ଟରରେ ଶରଦ ପାୱାରଙ୍କୁ ଭେଟିଥିଲେ। ଶରଦଙ୍କୁ ଭେଟିବା ପରେ ପ୍ରଫୁଲ୍ଲ କହିଥିଲେ, ଆମେ ଏନସିପି ଏକତ୍ର ରଖିବାକୁ ଅନୁରୋଧ କରିଥିଲୁ ଏବଂ ସେ ଆମ କଥା ଶୁଣିଲେ କିନ୍ତୁ ଏ ବିଷୟରେ କିଛି କହି ନାହାଁନ୍ତି। ଏନସିପି ଏନଡିଏର ଏକ ଅବିଚ୍ଛେଦ୍ୟ ଅଙ୍ଗ। ଏନସିପି ଭବିଷ୍ୟତରେ ଏନଡିଏ ସହ କାମ କରିବ।