୩ ଟ୍ରେନଯାତ୍ରୀଙ୍କୁ ପୋଡିଲେ ଦୁର୍ବୃତ୍ତ

କେରଳ (ବଡ଼ ଖବର ବ୍ୟୁରୋ): କେରଳର କୋଝିକୋଡେ ଜିଲାର ଏଲାଥୁର ନିକଟରେ ଘଟିଛି ଅଘଟଣ । ଜଣେ ଅଜ୍ଞାତ ବ୍ୟକ୍ତି ଚଳନ୍ତା ଟ୍ରେନରେ ସହଯାତ୍ରୀଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇ ଦେଇଛନ୍ତି। ରବିବାର ରାତିରେ ଏହି ଘଟଣା ଘଟିଛି। ଏହି ଘଟଣାରେ ୩ ଜଣଙ୍କର ମୃତ୍ୟୁ ଘଟିଥିବାବେଳେ ୯ ଜଣ ଆହତ ହୋଇଛନ୍ତି।  ଆହତଙ୍କୁ ଉଦ୍ଧାର କରାଯାଇ ଚିକିତ୍ସା ଲାଗି ଡାକ୍ତରଖାନାରେ ଭର୍ତ୍ତି କରାଯାଇଛି। ସେମାନଙ୍କ ମଧ୍ୟରୁ ଦୁଇଜଣଙ୍କ ଅବସ୍ଥା ଗୁରୁତର ଥିବା କୁହାଯାଉଛି। ରାତି ପ୍ରାୟ ୧୦ ଟା ସମୟରେ ଆଲାପୁଜା-କନ୍ନୁର ଏକ୍ସପ୍ରେସର ଡି-୧ ବଗିରେ ଏହି ଅଭାବନୀୟ ଘଟଣା ଘଟିଛି।