ରାଜ୍ୟରେ କରୋନା ରୋଗୀଙ୍କ ମୃତ୍ୟୁ ସଂଖ୍ୟା ୯୦୦ ପାର
ଭୁବନେଶ୍ୱର (ବଡ଼ ଖବର ବ୍ୟୁରୋ): ପୁଣି ମୁଣ୍ଡ ନେଲା କରୋନା । ଆଜି ୧୫ଜଣଙ୍କ ମୃତ୍ୟୁକୁ ମିଶାଇ ରାଜ୍ୟରେ ୯୦୭ରେ ପହଁଚିଛି ମୃତ୍ୟୁ ସଂଖ୍ୟା । କଟକ ଓ ଖୋର୍ଦ୍ଧା ଜିଲ୍ଲାରୁ ୩ଜଣ ଲେଖାଏଁ ମୃତ୍ୟୁବରଣ କରିଛନ୍ତି । ରାଜ୍ୟ ସ୍ୱାସ୍ଥ୍ୟ ବିଭାଗର ସୂଚନା ଅନୁସାରେ ଖୋର୍ଦ୍ଧାରୁ ମୃତ୍ୟୁବରଣ କରିଥିବା ଦୁଇଜଣ ହେଲେ ଭୁବନେଶ୍ୱରର ୪୭ବର୍ଷୀୟ ମହିଳା ଓ ୬୩ ବର୍ଷୀୟ ପୁରୁଷ । ଅନ୍ୟ ଜଣେ ମୃତକ ହେଲେ ୭୪ ବର୍ଷୀୟ ପୁରୁଷ, ଯାହାଙ୍କର ଡାଇବେଟିସ ସହ ଉଚ୍ଚ ରକ୍ତଚାପ ଥିଲା । କଟକରୁ ୬୦ ବର୍ଷୀୟ ମହିଳାଙ୍କ ସମେତ ଅନ୍ୟ ଦୁଇଜଣ ୬୦ ଓ ୭୦ ବର୍ଷୀୟ ପୁରୁଷ ଅଟନ୍ତି । କେନ୍ଦ୍ରାପଡ଼ାର ୪୮ ଓ ୮୫ ବର୍ଷୀୟ ପୁରୁଷ ଆକ୍ରାନ୍ତଙ୍କର ମୃତ୍ୟୁ ହୋଇଛି । ସେହିପରି କେନ୍ଦୁଝର ୬୫, ସମ୍ବଲପୁର ୭୩ ଓ କୋରାପୁଟର ୫୫ବର୍ଷୀୟା ମହିଳା ମୃତ୍ୟୁବରଣ କରିଥିବା ବେଳେ ଢେଙ୍କାନାଳର ୭୦, ଜଗତସିଂହପୁରର ୪୮, ବୌଦ୍ଧର ୭୧ ଓ ମାଲକନଗିରିର ୬୫ ବର୍ଷୀୟ ପୁରୁଷ ଆକ୍ରାନ୍ତଙ୍କର ମୃତ୍ୟୁ ହୋଇଛି ।